भक्तपुर- भक्तपुर नगरपालिका-१० कमलविनायकस्थित कार्यकल्प आर्युवेद फर्माबाट गुणस्तरहीन ‘इन्स्ट्यान्ट ह्याण्ड सेनिटाइजर’ लेखिएको १ सय एमएलको १ सय २६ थान र ६० एमएलको २३ थान ह्यान्ड स्यानिटाइजर मंगलबार प्रहरीले बरामद गरेको छ।
उक्त फर्मामा औषधि व्यवस्था विभागले निर्धारण गरेको गुणस्तर मापदण्ड पुरा नगरेको ह्यान्ड स्यानिटाइजरहरु गुणस्तरयुक्त छ भनी ग्राहकहरुलाई झुक्याई अहिलेको संवेदनशील अवस्थामा बेचबिखन गरिरहेको भन्ने सूचनाको आधारमा महानगरीय प्रहरी परिसर भक्तपुर र औषधि व्यवस्था विभाग बबरमहल काठमाडौंबाट खटिएका वरिष्ठ औषधि अधिकृतसहितको टोलीले उक्त परिमाणको ह्यान्ड स्यानिटाइजर बरामद गरेको हो।
साथै उक्त फर्माकी संचालिका भक्तपुर चाँगुनारायण नगरपालिका-३ छालिङ बस्ने २८ वर्षीया रीना ओझासँग आवश्यक सोधपुछ तथा थप अनुसन्धान भइरहेको महानगरीय प्रहरी परिसर भक्तपुरले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
