काठमाडौं– सरकारले आइतबार राति १२ बजेदेखि यात्रु ल्याउन नपाउने गरी अन्तर्राष्ट्रिय उडान बन्द गरेको छ। तर, यात्रुविना चालक दलका सदस्यमात्रै भएको जहाज नेपाल आउन पाउने छ।
नेपाल आएका जहाजले नेपालबाट यात्रु पनि लैजान पाउने छन्। तर, सरकारले नेपालीलाई यात्रा नर्गन आग्रह गरिरहेको छ। सोमबार (आज) कतार एयरवेज, इतिहाद, कोरियन एयरले उडान तथा अवतरण गर्ने भएका छन्। जसमा कतार एयरवेजकाे एउटा जहाज बिहान १०:१५ बजे अवतरण भएकाे छ। उक्त जहाज अहिले उडानको तयारीमा छ।
यसैगरी, आबुदाबीबाट आएको इतिहाद ३ बजेर ५० मिनेटमा काठमाडौंमा अवतण गर्ने छ भने ४ बजेर ५० मिनेटमा उडान भर्ने छ। यसैगरी कोरियन एयरको जहाज साँझ ७ बजेर ५ मिनेटमा काठमाडौंमा अवतरण गर्ने छ भने साँझ ८ बजेर २० मिनेटमा नै उडान भर्ने छ।
कतार एयरवेजले साँझ सवा ७ बजे काठमाडौंमा ल्यान्ड गर्ने छ भने साँझ ८ बजेर ३५ मिनेटमा कतारका लागि उडान गर्ने छ। तर, यी जहाजले नेपाल आउँदा यात्रु ल्याउन पाउने छैनन् भने जाँदा यात्रु लैजान पाउने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
