काठमाडाैं- कर्तव्य ज्यान र अपहरणका एक दर्जन मुद्दा लागेका 'मोस्ट वान्टेड' एक जनालाई प्रहरीले गाेली हानेर पक्राउ गरेकाे छ।
जिल्ला प्रहरी कार्यालय राैतहटका अनुसार जनतान्त्रिक तराई मुक्ति मोर्चा रौतहट जिल्ला इन्चार्ज अभय भनिने कामेश्वर पटेललाई गएराति ४ राउन्ड गोली प्रहार गरी पक्राउ गरिएको हो। भारतमा लुकेर बस्दै आएका उनी नेपाल आएकाे सूचना पाएपछि प्रहरीले निगरानी बढाएकाे थियाे।
मौलापुर–८ सोनरनिया घर आउने क्रममा प्रहरीले उनलाई पक्राउ गरेकाे हाे। जङ्गलकाे कच्चीबाटो हुँदै घर जाने क्रममा उनी पक्राउ परेका हुन्। पटेल आउने थाहा पाएर प्रहरीले गौडा ढुकेर बसेको थियाे। भारतीय नम्बर प्लेटको माेटरसाइकलमा अर्को व्यक्तिले ल्याएर छोडिदिएपछि उनी जङ्गलकाे कच्चीबाटो हुँदै घर जान लागेकाे क्रममा पक्राउ परेका हुन्।
पक्राउ गर्ने क्रममा प्रहरीमाथि नै गाेली चलाएपछि प्रहरीले पनि उनीमाथि जवाफी फायरिङ गरेकाे रौतहटका डिएसपी नवीन कार्कीले जानकारी दिए। पटेलकाे दायाँ घुडामा गाेली लागेकाे छ।
उनकाे साथबाट कटुवा पेस्तोल १ थान र ५ राउन्ड गोलीसमेत बरामद भएकाे छ। पटेलविरुद्ध काठमाडौं र सर्लाहीमा अपहरण मुद्दा दर्ता छ भने रौतहटमा ३ वटा कर्तव्य ज्यान मुद्दा र अन्य अपहरण मुदा दर्ता छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
