मंगलबार नेपाल लाइभमा प्रकाशित मुख्य समाचारः
१. कोरोना भाइरस बारे अमेरिकाले बढी त्रास फैलाएको चीनको आरोप
अमेरिकाले कोरोना भाइरसका बारेमा वास्ताविकताभन्दा बढी हल्ला चलाएर त्रास फैलाएको चीनले आरोप लगाएको छ।
चीनबाट सुरु भएको कोरोना भाइरस नियन्त्रण हुन नसकिरहेको विषयलाई अमेरिकाले गलत तरिकाले व्याख्या गरेको चिनियाँ विदेश मन्त्रालयले सोमबार जनाएको छ। विदेश मन्त्रालयका प्रवक्ता हु चुन्यीङले विश्व समुदाय जिम्मेवार, शान्त र गम्भीर हुने विश्वास पनि व्यक्त गरिन्। उनले वैज्ञानिक तथ्यलाई आधार मान्ने र समस्याको समाधान गर्न तथा सामना गर्न तयार रहनु पर्नेमा पनि जोड दिइन्।
थप समाचार- कोरोना भाइरस बारे अमेरिकाले बढी त्रास फैलाएको चीनको आरोप
२. निजामतीमा २८ वर्ष राजन ‘राज’
अवकाश हुनु दुई दिनअघि अर्थात् आइतबार भेटका लागि सम्पर्क गर्दा अर्थ मन्त्रालयका सचिव डा राजन खनालले जवाफ दिए, 'आज एउटा प्रतिवेदन सक्नुपर्नेछ, त्यसैको काममा छु। भोलि भेटौँ है।'
२२ महिना अर्थसचिव भएर मंगलबार बिदा हुन लागेका खनाल सोमबार दिउँसोसम्म पनि उस्तै कार्यबोझले थिचिएका थिए। सहकर्मी र साथीभाइ सन्तुष्ट थिएनन् कारण थियो, सधैंको व्यस्तता। 'बिरामी हुँदाबाहेक अरू समयमा त्यसरी बिदा बस्ने भन्ने नै भएन,' खनालले करिब मन्त्रालयमा बिताएको २ वर्षे कार्यकाल सम्झँदै भने।
थप समाचार- निजामतीमा २८ वर्ष राजन ‘राज’
३. कुमार पौडेल इन्काउन्टर : प्रहरीलाई कारबाही गर्ने पत्र सर्लाही पुग्यो
इन्काउन्टरको बहानामा नेत्रविक्रम चन्द (विप्लव) नेतृत्वको नेपाल कम्युनिस्ट पार्टीका सर्लाही इन्चार्ज कुमार पौडेलको हत्यामा संलग्न प्रहरीमाथि कारबाही गर्न उल्लेख गरिएको पत्र जिल्ला प्रहरी कार्यालय सर्लाही पुगेको छ।
गृह मन्त्रालयले कारबाही गर्न भन्दै प्रहरी प्रधान कार्यालयलाई निर्देशन दिएको पत्र प्रधान कार्यालयले प्रदेश २ प्रहरी कार्यालयलाई पठाएको थियो।
थप समाचार- कुमार पौडेल इन्काउन्टर : प्रहरीलाई कारबाही गर्ने पत्र सर्लाही पुग्यो
४. ट्रकभित्रै सामूहिक यौन सम्पर्कपछि युवतीको हत्या, मोबाइलबाट खुल्यो पोल
मकवानपुरको हेटौंडाकी अजिता भुजेलको हत्यामा संलग्न भएको आरोपमा ५ जनालाई प्रहरीले पक्राउ गरेको छ। हेटौंडा नगरपालिका-११, थानाभन्ज्याङमा सामूहिक यौन सम्पर्कपश्चात् भएकाे हत्यामा संलग्न भएको आरोपमा उनीहरूलाई जिल्ला प्रहरी कार्यालय, मकवानपुर र महानगरीय प्रहरी अपराध महाशाखाको संयुक्त टोलीले पक्राउ गरेको हो।
पक्राउ पर्नेमा हेटौंडा-११ की २० वर्षीया एलिसा पाख्रिन, हेटौंडा-४ का २४ वर्षीय आशिष बल, हेटौंडा-१४ का २१ वर्षीय ह्याक्चर भनिने बुद्ध लामा, हेटौंडा-९ का १८ वर्षीय भापु भनिने सिमोन परियार र हेटौंडा-४ का २५ वर्षीय घन्टाउके भनिने सुशील थापामगर छन्।
थप समाचार- ट्रकभित्रै सामूहिक यौन सम्पर्कपछि युवतीको हत्या, मोबाइलबाट खुल्यो पोल
५. कोरोना भाइरसबारे संसदमा विशेष छलफल, उपचारका लागि छुट्याइयो ४३ बेड
चीनबाट फैलिएको कोरोना भाइरसका विषयमा प्रतिनिधि सभामा विशेष छलफल भएको छ।
स्वास्थ्य तथा जनसंख्या मन्त्री भानुभक्त ढकालले सार्वजनिक महत्वको विषयमा भन्दै नेपाल सरकारको तयारी बारे जानकारी दिएका छन्। यस क्रममा उनले सम्भावित संक्रमितलाई लक्ष्य गरेर तीन अस्पतालमा ४३ बेड छुट्याइएको जानकारी दिए। यस विषयमा सरकार गम्भीर रहेको उल्लेख गर्दै उनले प्रधानमन्त्री केपी शर्मा ओलीको नेतृत्वमा मन्त्रिपरिषद् र विज्ञको बैठक बसेको बताए।
थप समाचार- कोरोना भाइरसबारे संसदमा विशेष छलफल, उपचारका लागि छुट्याइयो ४३ बेड
६. ओलीको रक्षात्मक अवतार
'दुनियाँभरिका बुर्जुवाहरुलाई भन्न चाहन्छु– मिलेर दुइटाले अध्यक्षता चलाउन सक्छौ कसैले? यो (दुई अध्यक्ष) देखेर आश्चर्यचकित भएका छन्, यहाँ लडाइँ झगडा लगाउन सकिन्छ कि! यहाँ फेसो ठोक्न सकिन्छ कि! यी कुर्सी अलि परपर सार्न सकिन्छ कि! प्रयास त्यो हो। म भन्दिन चाहन्छु- नेपालमा अचम्म हुन्छ। दुइटा अध्यक्षको अभ्यास हेर्नुहोस्, कसरी अगाडि बढ्छ? संविधानले मिल्दैन, नत्र दुइटा प्रधानमन्त्री पनि हुन बेर लगाउँदैनौं।'
अघिल्लो वर्ष पुस १ गते तत्कालीन एमाले र माओवादी केन्द्रका कानुन व्यवसायीहरुको संगठनलाई एकीकरण गर्न पार्टी केन्द्रीय कार्यालय धुम्बाराहीमा आयोजित कार्यक्रममा बोल्दै केपी ओलीले भनेका कुरा हुन्, यी।
थप समाचार- ओलीको रक्षात्मक अवतार
७. जागिर सकिन एक दिन बाँकी हुँदा स्वेच्छिक अवकाश, निकटलाई काखा पारी पेन्सनमा पोस्दै सरकार
सचिवमा बढुवा भएको ५ वर्ष पूरा हुन ४ दिन मात्र बाँकी रहेको अवस्थामा निवर्तमान गृहसचिव प्रेमकुमार राईले आफ्नो पदबाट राजीनामा दिए। २०७१ साल माघ २२ गते नेपाल सरकारको सचिवमा बढुवा भएका राईको कार्यकाल माघ २१ गते अर्थात् मंगलबार सकिँदै थियो।
कार्यकाल सकिनुभन्दा ४ दिनअघि अर्थात् शुक्रबार राजीनामा बुझाएर उनी हिँडे। सोमबार गृह मन्त्रालयले उनको बिदाइ गर्यो। पदावधि सकिनै लागेका बेला राईले राजीनामा दिएको प्रसंग धेरैका लागि चर्चाको विषय बन्यो। कतिपयले आश्चर्य पनि माने।
थप समाचार- जागिर सकिन एक दिन बाँकी हुँदा स्वेच्छिक अवकाश, निकटलाई काखा पारी पेन्सनमा पोस्दै सरकार
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
