काठमाडौं- महुली सामुदायिक लघुवित्त वित्तीय संस्थाले नवकिरण लघुवित्त वित्तीय संस्थालाई गाभ्ने भएको छ। संस्थाले १०० बराबर ९५ कित्ताको अनुपातमा गाभ्ने भएको हो। मर्जरको प्रकृयाँमा गएसँगै महुलीको दोस्रो बजारमा कारोबार रोक्का गरिएको छ। नवकिरणले भने प्राथमिक शेयर निष्काशन गरेको छैन।
मर्जरका लागि महुली लघुवित्तका तर्फबाट अध्यक्ष प्रभुनारायण चौधरी र नव किरणका तर्फबाट मोहनहरि आचार्यले हस्ताक्षर गरेका छन्। मर्जपछि महुलीको संस्थापकको तर्फबाट तीन जना र नव किरणका तर्फबाट एक जना संस्थापक सञ्चालक हुने संझौता भएको छ।
प्रमुख कार्यकारी अधिकृत महुलीकै रहेने संस्थाले जनाएको छ। गाभ्ने, गाभिने क्रममा हुने खर्चको भने दुबै संस्थाको तर्फबाट बराबरी खर्च हुने छ। यस क्रममा ७ लाख ५० हजार रुपैयाँ खर्च हुनेछ।
हाल महुलीको केन्द्रीय कार्यालय सप्तरीमा छ भने नव किरणको भने धुलिखेलमा छ। संझौताअनुसार केन्द्रीय कार्यालय सप्तरीमै रहनेछ भने धुलिखेललाई बागमती प्रदेशको कार्यालयको रुपमा रहनेछ।
नेपाल राष्ट्र बैंकले चालु आर्थिक वर्षको मौद्रिक नीतिमार्फत मर्जरमा जाने संस्थाहरुलाई धेरै वटा सहुलियत प्रदान गर्ने व्यवस्था गरेको छ। उक्त सहुलियतका लागि पनि बैंक तथा वित्तीय संस्थाहरु मर्जरको प्रकृयाँमा संलग्न भएका छन्।
नेपाल लघुवित्त बैंकर्स एसोसिएसनले मर्जरमा जाने भन्दै केही संस्थाहरुको सूची पनि बुझाएका थिए। तर उनिहरुले भनेजस्तै धेरै वटा संस्था मर्जरका लागि जान भने तयार भएनन्। राष्ट्र बैंकले मर्जरमा जान दवाव दिने क्रममा कतिपय लघुवित्तलाई हकप्रद शेयर निष्काशन गर्नसमेत अड्को थाप्दै आएको छ।
हाल महुलीको चुक्ता पुँजी १२ करोड २४ लाख रुपैयाँ छ। नवकरणले गएको महिना मात्रै सञ्चालन अनुमति प्राप्त गरेको थियो। व्यवसाय सञ्चालनको अनुमति पाएको एक महिना पनि नवित्दै मर्जरमा गएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
