काठमाडाैं- ‘नेपाल भ्रमण वर्ष २०२०’ आजदेखि सुरु भएको छ।
भ्रमण वर्ष २०२० को उद्घाटन कार्यक्रम औपचारिक रूपमा दिउँसो ४ बजे दशरथ रंगशालाबाट हुँदैछ।
रंगशालामा हुने भव्य समारोहमार्फत् भ्रमण वर्षकाे उद्घाटन राष्ट्रपति विद्यादेवी भण्डारीले गर्ने तय भएको छ। यस्तै सातै प्रदेशमा यसको औपचारिक उद्घाटन कार्यक्रम राखिएको छ।
वर्ष २०२० मा २० लाख विदेशी पर्यटक नेपाल भित्र्याउने लक्ष्यका साथ शुरु भएको नेपाल भ्रमण वर्षलाई सफल पार्न विभिन्न स्थानमा कार्यक्रमहरुकाे आयाेजना गरिएका छन्।
साथै आज विभिन्न स्थानमा आन्तरिक तथा बाह्य पर्यटकलाई स्वागत पनि गरिएकाे छ।
तस्बिरमा हेराैं कहाँ कसरी गरियाे स्वागत :
प्रसिद्ध धार्मिक तीर्थस्थल देवघाट भ्रमणका लागि आएका आन्तरिक पर्यटकलाई बुधबार स्वागत गर्दै देवघाट क्षेत्र विकास समितिका अध्यक्ष शिवराज पौडेललगायत पदाधिकारी। नेपाल भ्रमण वर्ष २०२० को अवसरमा समितिले देवघाट आउने पर्यटकलाई स्वागत गरेको हो।
.jpg)
नेपाल भ्रमण वर्ष २०२० को शुभारम्भको अवसरमा बाँके राष्ट्रिय निकुन्ज स्थित खड्बार क्षेत्रमा जङ्गल घुम्नका लागि सुरु गरिएको जङ्गल सफारीको उद्घाटन पछि हात्ती चडेर जङ्गल सफरीमा निस्किएका प्रदेश ५ का मुख्यमन्त्री शंकर पोखरेल लगायत।
नेपाल पर्यटन वर्ष २०२० को अवसरमा पर्यटकलाई स्वागत गर्न सिंगारिएका काभ्रेपलाञ्चोकको धुलिखेल नगरपालिकाको सरस्वती बजार।
‘नेपाल पर्यटन वर्ष २०२०’ को अवसरमा जिल्ला तथा नगरस्तरिय आयोजक समितिले काभ्रेपलाञ्चोकको धुलिखेलमा आयोजना गरिएको कार्यक्रममा विदेशी पाहुनालाई खादा लगाएर स्वागत गर्दै प्रमुख जिल्ला अधिकारी श्रवणकुमार तिमिल्सिना।
नेपाल भ्रमण बर्ष २०२० को सुरुको दिन चितवन आएका पर्यटकलाई भरतपुर विमानस्थलमा भव्य स्वागतपछि खुसी हुँदै।
नेपाल भ्रमण बर्ष २०२० को सुरुको दिन चितवन आएका पर्यटकलाई भरतपुर विमानस्थलमा भव्य स्वागतपछि सामूहिक तस्वीर खिचाउँदै प्रदेश सभा सदस्य विजय सुवेदी, भरतपुर महानगरपालिका प्रमुख रेनु दाहाल, मुख्यमन्त्रीका राजनीतिक सल्लाहाकार जेएन थपलियालगाएत।
.jpg)
पूर्वी नाका काँकडभिट्टाबाट नेपाल प्रवेश गर्ने पहिलो भारतीय पाहुनालाई बुधबार बिहान सम्मान गर्दै सङ्घीय सांसद राम कार्की।
‘नेपाल पर्यटन वर्ष २०२०’ को अवसरमा जिल्ला तथा नगरस्तरिय आयोजक समितिले काभ्रेपलाञ्चोकको धुलिखेलमा आयोजना गरिएको कार्यक्रममा विदेशी पाहुनालाई खादा लगाएर स्वागत गरेपछि सामूहिक तस्वीरमा विदेशी पाहुना।
नेपाल भ्रमण बर्ष २०२० को सुरुको दिन चितवन आएका पर्यटकलाई विमानस्थलमा स्वागत गर्दै भरतपुर महानगरपालिका प्रमुख रेनु दाहाल।
पर्यटन वर्षको सुरुको दिन भक्तपुर नगरपालिकाद्वारा बुधबार बिहान दरवारक्षेत्र प्रवेश गरेका जर्मन नागरिकलाई स्वागत गर्दै नगरप्रमुख सुनिल प्रजापति, उपप्रमुख रजनी जोशी। नगर प्रवेश गर्ने पहिलो विदेशी पर्यटकलाई निशुल्क प्रवेशको व्यवस्था समेत गरेको छ।
पर्यटन वर्षको सुरूको दिन भक्तपुर नगरपालिकाद्वारा बुधबार बिहान दरवारक्षेत्र प्रवेश गरेका विदेशी नागरिकलाई स्वागत गर्दै नगरप्रमुख सुनिल प्रजापति। नगर प्रवेश गर्ने पहिलो विदेशी पर्यटकलाई निशुल्क प्रवेशको व्यवस्था समेत गरेको छ।
पर्यटन वर्षको सुरुको दिन भक्तपुर नगरपालिकाद्वारा बुधबार बिहान सबेरै दरबार क्षेत्र प्रवेश गरेका १८ विदेशी पर्टयकलाई भादगाउँले टोपी लगाएर स्वागत गर्दै नगरप्रमुख सुनिल प्रजापति।
तस्बिर रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1777595787.png)
