डडेल्धुरा- सरकारका प्रवक्ता एवं संचार तथा सूचना प्रविधिमन्त्री गोकुलप्रसाद बाँस्कोटाले अमेरिकी सहयोग ‘एमसीसी’बारे कुनै विवाद नगरी संसदबाट अनुमोद हुने बताएका छन्। बुधबार बिहान प्रेस संगठन डडेल्धुरा शाखाकाले आयोजना गरेको पत्रकार सम्मेलनमा मन्त्री बाँस्कोटाले यस्तो बताएका हुन्।
मन्त्री बाँस्कोटाले सरकारले एमसीसीको फाइल संसदमा पेश गर्ने र संसदबाट पास हुने दाबी गरे। उनले भने, ‘कसैले चाहेर पनि अब एमसीसी फेल हुदैँन। सरकारले संसदमा पेश गर्छ सिधैं पास हुन्छ।’
एमसीसीलाई राजनीतिक मुद्दा बनाउन नहुने भन्दै उनले हाललाई एमसीसी संसदबाटै अनुमोदन गरे पनि सबै कुरा संसदमा लैजान आवश्यक नरहेको बताए। एमसीसीको सबै सूचांक पार गरेर सन् २०११ को डिसेम्बरमा नेपाल ‘क्वालिफाइ’ भएको उनले उल्लेख गरे।
मन्त्री बाँस्कोटाले एमसीसी र ‘इन्डो प्यासिफिक’बीच कुनै अन्तरसम्बन्ध नरहेको जिकिर गर्दै यी दुवै विषयलाई मिसाएर विवाद गरेर भ्रम सिर्जना गर्न खोजीएको दाबी गरे।
नेपाल भ्रमण बर्ष २०२० का अवसरमा अमरगढी नगरपालिकाले आयोजना गरेको ‘गुम्न जाउँ अमरगढी’ अभियानकाे उद्घाटन गर्न डडेल्धुरा सदरमुकाम आएका बाँस्कोटाले फरक प्रसंगमा लिपुलेक, लिपीयाधुरा हाम्रो नै भएको धारणा राखेका छन्।
उनले विगतका तथ्यहरु माथि छानबिन हुने र लिपियाधुराकाे विवाद पनि साम्मय हुने बताए। मन्त्री बाँस्कोटाले अमरगढी नगरपालिकाभित्र रहेका अमरगढी किल्ला, उग्रतारा मन्दिर, घटास्थानलगायका पर्यटकीय क्षेत्रको भ्रमण समेत गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1777595787.png)
