अस्पतालमा भर्ना भएका बिरामी भेट्न जानु राम्रो कुरा हो । तर, बिरामी भेट्दा भने विशेष साबधानी अपनाउनुपर्छ। अधिकांश ठूला अस्पतालको आआफ्नै नियम हुन्छन्, जसको पालना सबै ‘भिजिटर’ले गर्नुपर्छ । सबैभन्दा महत्वपूर्ण विषय त तपाईले बिरामीलाई सम्मान गर्नुपर्छ र तपाईको भिजिटले बिरामीलाई कुनै असुविधा वा दिक्क लाग्ने हुनु हुन्न।
सबै अस्पतालले बिरामी भेट्ने निश्चित समय तोकेका हुन्छन् । सो समयलाई जहिले पनि सम्मान गर्नुहोस् । ‘भिजिटिङ आवर’ सकिनु भन्दा १० मिनेट अगाडि अस्पताल पुग्नुभयो भन्दैमा तपाई लामो समय अस्पताल भित्र बस्न पाउनु हुन्न । बिरामीको सुविधाको लागि नियम बनाइएकोले यस्ता विषयमा अस्पतालका कर्मचारी र परिचारिकाहरुसँग अनावश्यक वहस नगर्नुहोस । कतिपय अस्पतालमा संक्रमण सर्ने भएकोले बालबालिका लैजान प्रतिबन्ध हुन्छ । यस विषयमा पनि विशेष ख्याल गर्नुहोस । कसैलाई भेट्नुअघि राम्रोसँग नियम पढ्नुहोस ।
अस्पताल भनेको कुनै पार्टी प्यालेस जस्तो होइन जहाँ समूहमा भेला भएर परिबार वा आफन्तजनसँग रमाइलो छलफल हुन्छ । ठूला–ठूला अस्पतालमा बिरामीलाई भेट्नका लागि जान चाहने मानिसको संख्या तोकिएको हुन्छ । बेडभित्र विरामीलाई अशर नपुगोस वा चिकित्सक र नर्सको नियमित परीक्षण र सेबामा प्रभाव नपरोस भनि बिरामी भेट्ने भिजिटरको संख्या तोकिएको हुन्छ । अस्पतालको नियम पालना गर्नु सबै भिजिटरको कर्तव्य हो । दुई जना वा बढी अस्पताल जाँदा आफ्नो चिनेको मान्छेसँग भेट हुँदा त तपाईहरुलाई अवश्य पनि खुसी लाग्न सक्छ तर सोही समयमा भेट्न गएका बिरामीलाई शान्त वातावरणको आवश्यकता परेको हुन सक्छ । अस्पताल एउटा सार्वजनिक स्थल भएकोले यहाँका बिरामी र कर्मचारीको सम्मान गर्नुहोस।
अधिकांश अस्पतालमा पोषणविज्ञहरु हुन्छन र उनीहरकै परामर्शमा विरामीलाई खानेकुरा दिइन्छ । घरमा पकाएको खान स्वस्थ हुनेमा कुनै शंका नभए पनि खाना खुवाउने विषयमा अस्पतालका नर्सहरुसँग अनावश्यक विवाद नर्गनुहोस । केही अस्पातलमा बाहिरबाट ल्याएको खानेकुरालाई प्रतिबन्ध लगाइएको हुन्छ । अस्पताल जाँदा क्यामेरा, वा खेलौना लिएर नजानुहोस । किनकी यो कसैका लागि पनि रमाइलो गर्ने स्थल होइन् । अस्पतालका प्राय सबै नियम बिरामीलाई तीब्र निको पार्नका लागि हो।
अस्पताल र सरसफाईका पर्याबाची हुन् । तसर्थ विशेष ख्याल गर्नुपर्छ । बिरामीको वरपर भएका कुनै पनि उपकरणलाई नछुनुहोस । किनकी यसबाट सक्रंमण सर्न सक्छ । यदि तपाईमा कुनै संक्रमण भएको छ भने बिरामीलाई अशर पर्ने भएकोले सकभर अस्पताल नै नजानूहोस। बिरामीको शौचालय प्रयोग नर्गनुहोस । मोबाईलाई साइलेन्स वा भाइब्रेसनमा मात्र राख्नुहोस । भेटलाई छोटो बनाउनुहोस ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
