काठमाडौं– नेपाल वायुसेवा सञ्चालक बोर्डले कार्यकारी अध्यक्ष मदन खरेलसँग ५ बुँदे स्पष्टिकरण माग गरेको छ। गत शुक्रबार बसेको सञ्चालन समितिको बैठकले खरेलले सञ्चालक बोर्डका कारण काम गर्न नसकेको भन्दै आरोप लगाएको विषयमा ५ बुँदे स्पष्टिकरण माग गर्ने निर्णय गरेको हो।
‘प्रधानमन्त्री केपी शर्मा ओलीसँग खरेलले सञ्चालक बोर्डका कारण आफूले काम गर्न नसकेको भन्दै आरोप लगाउन थालेका रहेछन,’ बोर्डका एक सदस्यले भने, ‘प्रधानमन्त्रीसमक्ष आफैंले बुझाइको याेजनाअनुसार काम गर्न नसकेपछि सञ्चालकहरुलाई दोष दिने काम भएको रहेछ। के कस्ता काम सञ्चालक बोर्डको निर्णयले रोकिएको हो? भनी स्पष्टीकरण माग्ने निर्णय भएको छ।’
सरकारले खरेलको विकल्पको खोजी सुरु गरेसँगै उनले आफ्नो पद जोगाउन सञ्चालकहरु माथि आरोप लगाएकाे स्राेतकाे भनाइ छ। खरेललेको कामलाई लिएर संस्कृति, पर्यटन तथा नागरिक उड्डयन मन्त्री योगेशकुमार भट्टराई पनि सन्तुष्ट छैनन्।
निगमको सञ्चालक बोर्डले प्रधानमन्त्रीसमक्ष निगमको सञ्चालक बोर्ड समितिले व्यवस्थापनलाई असहयोग गरेको भनी खरेलले प्रस्तुत गरेको विषयमा स्पष्टीकरण सोध्ने निर्णय गरेकाे हाे।
यस्ता छन् बाेर्डका निर्णय:
१. खरेलले सञ्चालन बोर्डमा पेस गरेको एजेन्डमा कसरी असहयोग भएको, बोर्डबाट निर्णय नहुँदा निगमको कुन काममा ढिलाइ भएको, बोर्डको बैठकमा कुन सदस्यले अनुपस्थिति जनाएर असहयोग गरी बोर्ड बैठक बस्न नसकेको अवस्थमा रहेको सोको विवरण पेस गर्न भनेको छ।
२. निगमको वाइडबडी सञ्चालन सम्बन्धी तयार गरिएको व्यापारिक योजनामा जापानको टोकियोका उडान गर्ने योजना रहेको तर, नेपाल जापान बीच हवाई सम्झौता नवीकरणको दौरान टोकियोमा स्लट नपाउने तर, नारितामा पाउने भएपछि प्रधानमन्त्री, पराराष्ट्रमत्रालयको राय सुझाव समेतको आधारमा जापानको नारिताको जिएसए नियुक्ति छनौटको प्रस्तावमा स्वीकृत भएको अवस्थमा नारिता छोडेर ओसाका उडान गर्नुको कारण र ओसाका उडानको क्षती विवरण र त्यसको जवाफदेही को हुन्छ?
३. २०७६ जेठ ३१ गते बसेको निगम सञ्चालक बोर्डको बैठकले वाई–१२ र एमएए ६० विमानको सञ्चालनको लागि व्यवस्थापनको प्रतिबद्धता सहितको कार्यायोजना पेश गर्न निर्देशन दिइएको अवस्थमा उपरोक्त वायुयानहरुबाट निरन्तर निगमलाई आर्थिक नोक्सान र प्राविधिक योजनामा समेत असहज भइरहँदा पनि यस परिस्थतीलाई विश्लेषण नगरी नजर अन्दाज गरी समितिमा हालसम्म कुनै कार्ययोजना पेश नगर्नुको कारण के हो?
४. २०७६ साउन ६ गते बसेको सञ्चालन समितिको बैठकले एयरबस ३२० विमानको इन्जिन (एमआरओ) सम्बन्धमा दिएको निर्देश्नको कार्यन्वयनको अवस्थमा र एयरबस ३३० विमानको पिएचबी सम्झौता को अवस्था के छ?
५. एयरबस ३२० को एपियू विग्रको सम्बन्धमा के भएको हो र यसको हालको अवस्था के छ, के स्वभाविक हो?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770527955.jpg)
-1764146706.png)
