नयाँ दिल्ली (एजेन्सी)- बलिउड अभिनेत्री प्रियंका चोपडा आफ्नो प्रोडक्सन हाउस 'पर्पल पेबल पिक्चर्स' मार्फत पछिल्लो समय क्षेत्रीय फिल्मको प्रवर्द्धन गर्न कस्सिएकी छन्। उनले बलिउडमा प्रवेश गर्न इच्छुक प्रतिभाशाली कलाकारहरुलाई सहयोग गर्ने उद्देश्य राखेकी छन्।
प्रियंकाले बिहीबार आफ्नो घरेलु ब्यानरका लागि आधिकारिक वेबसाइट सञ्चालनमा ल्याएकी छन्। वेबसाइटमा उनले 'ट्यालेन्ट प्लेटफर्म' (प्रतिभा मञ्च) भन्ने ट्याब पनि समावेश गरेकी छन्, जसले अभिनय, पटकथा लेखन, सिनेमटोग्राफी, सम्पादन र फिल्म निर्देशनमा गहिरो रुचि राख्ने आवेदनकर्ताहरुलाई स्वागत गर्नेछ। इच्छुकहरुले विवरण भरेर पठाउन सक्नेछन्।
प्रियंकाकी आमा एवं पर्पल पेबल पिक्चर्सकी सह-संस्थापक मधु चोपडाले भनेकी छन्, 'फिल्म निर्माणसम्बन्धी कला भएका जोसुकैले आवेदन दिन सक्छन्।'
उनले अगाडि भनेकी छन्, 'तपाईंले आफ्नो विवरण पठाएपछि यदि हाम्रो आगामी फिल्ममा उपयुक्त लाग्ने देखेमा हामी तपाईंलाई सम्पर्क गर्नेछौं। यसको उद्देश्य प्रतिभालाई तयार गराएर अगाडि बढ्ने अवसर दिन सक्नेगरी एउटा मञ्च उपलब्ध गराउनु हो।'
मधुले आफ्नी छोरी एवं पूर्व विश्व सुन्दरी प्रियंकाको बारेमा भनिन्, 'बलिउडमा सुरुवाती दिनमा प्रियंकासँग कोही थिएन, जसबाट उसले कुनै सल्लाह लिन सकोस्। त्यही समस्या मनन गरेर छोरीले यो वेबसाइटको माध्यमबाट मनोरञ्जन उद्योगमा आउन चाहनेहरुलाई प्रोत्साहित गर्न चाहन्छे।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763779811.png)
-1763718173.png)
-1763721444.png)
-1763559424.jpg)
-1763559424.jpg)
