काठमाडौं- २०१९ को पछिल्लो ८ महिनामा नेपाली बजारमा १० हजार २ सय २५ वटा कमर्सियल (बस, ट्रक, टिपर, पिकअप) सवारी आयात भएका छन्। भन्सार विभागको तथयांक अनुसार २०१९ को अप्रिलदेखि नोभेम्बरसम्मको ८ महिनाको अवधिमा उक्त संख्यामा सवारी नेपाल भित्रिएको हो।
यो तथ्यांकमा लाइट कमर्सियल भेइकल (एलसिभी), एमसिभी (मिडसाइज कमर्सियल भेइकल, एचसिभी (हेवी कमर्सियल भेइकललगायत समावेश गरिएको छ। ८ महिनामा सबैभन्दा धेरै टाटा मोटर्सको कमर्सियल सवारी आयात भएको छ। सो अवधिमा टाटाका ४ हजार ५ सय ५ वटा सवारी आयात भएको छ।
यसरी हेर्दा टाटाको बजार हिस्सा ४४ प्रतिशत रहेको छ। नेपाली बजारमा टाटा मोटर्सका सवारी सिप्रदी ट्रेडिङ प्रालिले बिक्री गर्दै आएको छ। नेपाली बजारमा सबैभन्दा धेरै कमर्सियल सवारी टाटाकै बिक्री हुँदै आएको छ। विगत लामो समयदेखि कमर्सियल सवारीमा टाटाको उपस्थित बलियो रहेको छ। टाटा पछि विभिन्न कम्पनीले आफू दोस्रो रहेको दाबी गर्ने गरेका छन्।
तर तथ्यांकले महिन्द्रा दोस्रो स्थानमा रहेको देखाएको छ। ८ महिनाको अवधिमा महिन्द्राका २ हजार ८ सय ६० वटा सवारी आयात भएको तथ्यांक छ। सो संख्याका आधारमा महिन्द्राको बजार हिस्सा २८ प्रतिशत रहेको छ। महिन्द्राका हेवी कमर्सियल सवारी दुगर्ड ग्रुप अन्तर्गतको दुगर्ड ब्रदर्स एन्ड सेन्सले बिक्री गर्दै आएको छ भने पिकअप अग्नी इनकर्पोरेटेडले बिक्री गर्दै आएको छ।
कमर्सियल सवारी आयातमा महिन्द्रालाई आइसरले पक्ष्याएको छ। पछिल्लो ८ महिनामा आइसका ६ सय ५ वटा सवारी नेपाल भित्रिएका छन्। कमर्सियल सवारीमा आइसरको बजार हिस्सा ६ प्रतिशत छ। नेपाली बजारमा आइसको बतास अर्गनाइजेसन अन्तर्गतको इस्टर्न मोटर्सले बिक्री गर्दै आएको छ। आइसरपछि पक्ष्याएको अशोक लेल्यान्डका ४ सय ८६ वटा आयात भएको तथ्यांक छ।
आइएमई ग्रुप अन्तर्गतको आइएमई मोटर्सले बिक्री गर्दै आएको अशोक लेल्यान्डका पिकअपदेखि ठूला ट्राक तथा टिपरसम्म नेपाली बजारमा बिक्री हुँदै आएको छ। यो सेगमेन्टमा अशोक लेल्यान्डको बजार हिस्सा ५ प्रतिशतमात्र रहेको छ। अशोक लेल्यान्डपछि धेरै आयात हुने सवारी भारतबेन्ज हो।
गएको ८ महिनामा भारतबेन्जका १ सय ८९ वटा सवारी आयात हुँदा बजार हिस्सा २ प्रतिशत रहेको छ। नेपाली बजारमा भारतबेन्जका सवारी ओम्नी मोटर्सले बिक्री गर्दै आएको छ। तीन वटा समानान्तर आधिकारिक आयातकर्ता भएको एसएमएलका सवारी ८ महिनामा १ सय ९० वटा आयात भएको छ।
भन्सारको तथ्यांक अनुसार एसएमएलको बजार हिस्सा २ प्रतिशत रहेको छ। एसएमएलको एउटा बिक्रेता लक्ष्मी ग्रुप अन्तर्गतको गोल्ड फिस इन्टरनेशनल हो। ६ वटा कम्पनीले ८ हजार ८ सय ३५ वटा कमर्सियल सवारी आयात गरेका छन्। बाँकी १ हजार ३ सय ९० वटा पिकअप रहेका छन्। यो तथ्यांकमा इसुजु, मारुती, फोर्स, टोयोटा, फोटोन, फोर्ड, निसान, मित्सुबिसी र अन्य रहेको तथ्यांक छ। बस सेगमेन्टमा सबैभन्दा धेरै टाटाको रहेको छ।
यस ८ महिनामा टाटाका ५ सय ९५ वटा बस आयात भएकोमा आइसरको १ सय ५७ वटा आएको छ। त्यस्तै एसएमएलका १ सय ३० वटा, अशोक लेल्यान्डका १०० वटा, फोर्सका ४१ वटा, महिन्द्राको १८ वटा, टोयोटाका १४ वटा र अन्य कम्पनीका ८ वटा बस भित्रिएका हुन्। कमर्सियल सेगमेन्टमा सबैभन्दा ठूलो हिस्सा एलसिभीको छ। ८ महिनाको अवधिमा ६ हजार ५ सय १८ वटा विभिन्न कम्पनीका एलसिभी आयात भएका छन्।
यो सेगमेन्टमा महिन्द्राले टाटालाई उछिनेको छ। मिहन्द्राका २ हजार ७ सय ३३ वटा आयात हुँदा टाटाको २ हजार २ सय ३९ वटा आयात भएको तथ्यांक छ। यो सेगमेन्टमा एम्बुलेन्सदेखि कार्गो भ्यान समेत समावेश गरिएको छ। अशोक लेल्यान्डका १ सय ९६, आइसरका २८, एसएमएलको ५८, इसुजुको ४ सय ७१, मारुती सुजुकीको ४ सय १९, फोर्सको १ सय १७, टोयोटाको १ सय ९४ वटा आयात भएको छ।
त्यस्तै ठूला ट्रक तथा टिपर सेगमेन्टमा ८ महिनामा २ हजार ६ सय ४४ वटा आयात भएको छ। यसमध्ये सबैभन्दा धेरै टाटा मोटर्सको रहेको छ। सो अवधिमा टाटाका १ हजार ६ ७० वटा ट्राक तथा टिपर आयात गर्दै ६३ प्रतिशत बजार हिस्सा आगटेको छ।
टाटालाई पछ्याएको आइसरका ४ सय १२ वटा ट्राक तथा टिपर आयात भएको छ। यो सेगमेन्टमा आइसरको बजार हिस्सा १६ प्रतिशत छ। महिन्द्राले १ सय १२ वटा ट्रक तथा टिपर आयात हुँदा बजार हिस्सा ४ प्रतिशत, अशोक लेल्यान्डको १ सय ९९ र भारतबेन्जको १ सय ९० वटा ट्रक तथा आयात भएका छन्। यी दुबै कम्पपनीको यो सेगमेन्टमा बजार हिस्सा समान ७ प्रतिशत रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
