काठमाडौं– चीन सरकारले बनाइदिएको मातातिर्थस्थित सशस्त्र प्रहरी बल नेपाल प्रशिक्षण प्रतिष्ठानको प्रधानमन्त्री केपी शर्मा ओलीले सोमबार शिला अनावरण गरी उद्घाटन गरेका छन्।
कार्यक्रममा ओलीले प्रधानमन्त्री ओलीले म सेवक हुँ भन्ने भावना राखेर कर्तव्य निर्वाह गर्नुपर्ने बताउँदै सशस्त्र प्रहरी बलले विपदको बेला ज्यानको पर्वाह नगरी उद्वार कार्यमा देखाएको सकृयताको प्रशंसा गरेका छन्।
सबै सुरक्षा निकायले परोपकारी भएर कार्य गरेको स्मरण गर्दै सेवाभाव र कर्तव्य परायणताको उत्कृष्ट भावना प्रदर्शन गरी सुुरक्षाकर्मीले राष्ट्रका लागि विशिष्ट योगदान पु¥याएको उल्लेख गरे।
देशमा आज कुनै मतभेद नभएको तथा देश बनाउन सबै अगाडी बढेको बताउँदै प्रधानमन्त्री ओलीले कार्यक्रममा भने हाम्रो एकतावद्ध प्रयासले पछाडी नहेरी अगाडी के चाहिएको छ, त्यो पाउन अगाडी बढ्ने हो ।’
कार्यक्रममा गृहमन्त्री राम बहादुर थापा ‘बादल’ले भवन परिषरको अधिकतम उपयोग गरी विज्ञ उत्पादनमा उक्त प्रशिक्षण प्रतिष्ठान सफल हुने विश्वास व्यक्त गरे।
नेपालका लागि चीनका राजदुत यु होङ्गले उक्त प्रशिक्षण प्रतिष्ठानको निर्माण कार्य महत्वपूर्ण प्रोजेक्ट रहेको बताइन्। उनले निर्धारित समय अगावै सो प्रतिष्ठानको निर्माण कार्य सम्पन्न भएको बताइन्।
चीन सरकारबाट ३ अर्ब ६० करोडको लागतमा निर्माण सम्पन्न भएको हो।
उक्त राष्ट्रिय सशस्त्र प्रहरी बल नेपाल प्रशिक्षण प्रतिष्ठान, नेपाल सरकारको २०६४ साल असोज ३० गतेको निर्णयले स्थापना भएको हा ।
सुरुमा नुवाकोटको ककनीमा रहेको सो प्रतिष्ठानका लागि साविक मातातीर्थ गाउँ बिकास समिति वडा नं. ५ मा रहेको ३ सय १८ रोपनी जग्गा अधिग्रहण गर्ने निर्णय २०६७ साल पौष ६ गते नेपाल सरकारबाट भएको थियो।
वातावरणीय दृष्टिकोणले अत्यन्तै उपयुक्त सो स्थान हाल चन्द्रागिरी नगरपालिकाको वडा नं. ८ मा पर्दछ, जुन समुन्द्र सतहबाट १ हजार ६ सय मिटरको उचाईमा रहेको छ ।
२०७१ साल माघ ११ गते नेपाल सरकारका तत्कालीन उप–प्रधानमन्त्री तथा गृहमन्त्री र चीनिया विदेशमन्त्रीद्वारा सयुक्त रुपमा हस्ताक्षर गरी कार्य शुभारम्भको लागि अनुमति प्रदान गरिएको थियो।
३ सय १८ रोपनी क्षेत्रफलमा पाँच तले प्रशासनिक भवन, चार तले चारवटा व्यारेक भवन, दुई तले मेस भवन, एउटा क्वार्टर गार्ड, कभर्ड हल, फाइरिङ रेन्ज, अन्तर्राष्ट्रिय स्तरको स्वीमिङ पुल, रंगशाला र दुई सय चार सीट क्षमताको सभाहल लगायतका पूर्वाधारहरु निर्माण सम्पन्न भएको छ ।
उक्त कम्पनीले तोकिएको समयभन्दा ६ महिना अगावै निर्माण सम्पन्न गरी २०७४ साल असार १६ गते चीनिया राजदूतद्वारा नेपाल सरकारका तत्कालीन गृहमन्त्री मार्फत सशस्त्र प्रहरी बल नेपाललाई सो प्रतिष्ठान हस्तारण भएको थियो।
चीनले ६ महिना अगाडि नै प्रतिष्ठान बनाएर हस्तान्तरण गरेपनि नेपाल प्रहरीलाई भारतले बनाइदिने भनेको प्रतिष्ठान हालसम्म सुरु नै हुन सकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775122347.png)
