काठमाडौं– नेपालले १३औं दक्षिण एसियाली खेलकुद प्रतियोगिता (साग)काे पदक तालिकामा अग्रस्थानमा रहेकाे छ। नेपालले अहिलेसम्म ६ स्वर्ण, १ रजत र १ कास्य गरी ७ पदक जितेको छ।
नेपालकी मण्डेकाजी श्रेष्ठले करातेमा स्वर्ण जित्दै नेपालका लागि पहिलो स्वर्ण पदक दिलाएका थिए। उनले करातेको व्यक्तिगत पुरुष एकल कातामा स्वर्ण जितेका हुन्। मेण्डकाजीले पाकिस्तानका खेलाडीलाई फाइनलमा पराजित गरेका थिए।
त्यस्तै तेक्वान्दोमा नेपालले दुई स्वर्ण पदक जितेको छ। सातदोबाटोस्थित तेक्वान्दो हलमा भएको प्रतियोगितामा नेपालका लागि गोविन्दबहादुर आले र कमल श्रेष्ठले स्वर्ण पदक जितेका हुन्। गोविन्दले पुम्सेको ५८ केजीमा स्वर्ण जितेका हुन् भने कमलले पुरुष एकलतर्फ स्वर्ण पदक जितेका हुन्।
त्यस्तै करातेतर्फ महिला टिम कातामा नेपालले स्वर्ण पदक जितेको छ। नेपालले फाइनलमा पाकिस्तानलाई पराजित गर्दै स्वर्ण जितेको हो। टिम कातामा सरु कार्की, निर्मला तामाङ र संगीता मगरले जितेका हुन्। नेपालले २४.८८ अंक ल्याउँदा पाकिस्तानले २३.३ अंक ल्याएको थियो।
महिला ट्रायथलनमा पनि नेपालले स्वर्ण पदक जितेको छ। पोखरामा भएको महिला ट्रायथलनमा नेपालकी सोनिका गुरुङले स्वर्ण पदक जितेकी हुन्। यस विधामा श्रीलंकाकी खेलाडीले रजत पदक जितेकी छन्।
यसअघि सोमबार विहान भएको पुरुषतर्फको ट्रायथलनमा भारतका एमएन सिनिमलले स्वर्ण पदक जितेका थिए। भारतकै विश्वजीत सकिमले रजत पदक जिते। नेपालका नितेश मानन्धरले कास्यपदक हात पारेका थिए।
गौरीघाटबाट सुरु भएको ट्रायथलनमा ७५० मिटर स्वीमिङ, २० किलोमिटर साइक्लिङ र ५ किलोमिटर दौड भएर सम्पन्न भएको थियो। ३ दिनसम्म चल्ने ट्रायथलन प्रतियोगितामा ५ स्वर्ण, ५ रजत र ५ कास्य गरी १५ पदकका लागि प्रतिस्पर्धा हुँदैछ।
नेपाल, भारत र श्रीलका गरी ३ देशका २६ खेलाडीको सहभागिता रहने खेलमा पुरुष र महिला दुवै विधामा संचालन हुनेछ।
त्यस्तै करातेको व्यक्तिगत महिला एकल कातातर्फ नेपालकी चञ्चला दनुवारले रजत पदक जितेकी छिन्। सातदोबाटोस्थित कराते हलमा चन्चला फाइनलमा पाकिस्तानकी खेलाडीसँग पराजित भएकी हुन्। स्वर्ण जितेकी पाकिस्तानकी साइदा १३औं सागमा स्वर्ण जित्ने पहिलो खेलाडी पनि बनिन्। यस स्पर्धामा बंगलादेश र श्रीलंकाका खेलाडीले कास्य पदक जिते।
त्यस्तै कराँतेकाे ब्यक्तिगत प्रतिस्पर्धा तर्फ सिना मादेन लिम्बुले स्वर्ण जितेकी छन् । २३ वर्ष उमेर समुहमा श्रीलकन खेलाडीलाइ हराउदै उनले जितेकी हुन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
