अर्घाखाँची- अर्घाखाँचीको सन्धिखर्क नगरपालिका-६ नरपानीमा बुधबार भएको बस दुर्घटनामा मृत्यु हुने यात्रुको सङ्ख्या १९ छ भने घाइतेको सङ्ख्या १८ पुगेको छ।
दुर्घटनामा १७ जनाको घटनास्थलमै र दुई जनाको उपचारका क्रममा मृत्यु भएको हो। घाइतेमध्ये एकको उपचारका क्रममा प्राथमिक स्वास्थ्य केन्द्र ठाडा र अर्का एकको चौराह अस्पताल बुटवलमा मृत्यु भएको प्रमुख जिल्ला अधिकारी विजयराज पौडेलले जानकारी दिए।
सन्धिखर्कबाट बुटबलका लागि दिउँसो १ः३० बजे छुटेकोे लु २ ख २१४८ नंबरको बस नरपानी बजार नजिकैको घुम्तीमा दुर्घटना भएको थियो। दुर्घटनामा १८ जना घाइते भएकामध्ये भैरहवामा ७ जनाको र ९ जनाको बुटवलमा उपचार भइरहेको छ। उपचारपछि दुई जना घर फर्किएका छन्।
दुर्घटनामा सो नगरपालिका-७ डिहिडाँडाका ५६ वर्षीय शिवलाल भट्टराई, २२ वर्षीया माया पुरी, सन्धिखर्क-७ डिहीडाँडाका ५४ वर्षीय बलराम भट्टराई, आठ वर्षीया मोनिका खड्का छन्। कपिलवस्तु चपरगाउँ बस्ने २७ वर्षीया सीता बस्नेत, अर्घाखाँची भूमिकास्थान नगरपालिका-९ ठूलोडेवाका २७ वर्षीय शैलेस थापाको प्राथमिक स्वास्थ्य केन्द्र ठाडामा उपचारको क्रममा मृत्यु भएको थियो। कपिलवस्तु जिल्ला वाणगंगा नगरपालिका-७ बस्ने ३ महिना उमेर भएका बालक सोभाखर पोख्रेल‚ अर्घाखाँची सन्धिखर्क नगरपालिका-२ बस्ने ५९ वर्षिया सिताकुमारी सार्की नेपाली‚ अर्घाखाँची भुमिकास्थान नगरपालिका-९का ५० वर्षीय सिता घिमिरे‚ ५० वर्षीया विष्णुमाया गैह्रे‚ सोही नगरपालिका-७ बस्ने ५१ वर्षीय मेघनाथ जैसी भण्डारी‚ सितागंगा नगरपालिका-१की १५ वर्षीया मन्जु विक‚ छत्रदेव गाउँपालिका-८का ४२ वर्षीय कृष्ण बहादुर सुनार‚ सितगंगा नगरपालिका-७ कल्लेरी बस्ने ४८ वर्षीय लोकबहादुर दर्जी‚ सोही स्थान बस्ने ५५ वर्षीय हरी बहादुर दर्जी‚ सितगंगा नगरपालिका-२ बस्ने सन्तबहादुर बस्नेत(सन्तोष बहादुर बस्नेत)को उपचारका क्रममा चौराहा अस्पतालमा मृत्यु भएको थियो।
सन्धिखर्क नगरपालिका-१० बस्ने छविलाल गैरे, गाडी चालक कपिलवस्तु जिल्ला अन्दाजी ३६ वर्षीय बसन्त भन्ने ओमबहादुर थापा, अर्घाखाँची सितगङ्गा नगरपालिका-२ बस्ने सवारीधनी ३८ वर्षीय सन्तबहादुर बस्नेतको चौराहा अस्पतालमा उपचारको क्रममा मृत्यु भएको थियो। गुल्मी धुर्कोट गाउँपालिका-२का सशस्त्र प्रहरी जवान राजकुमार महतको मात्र सनाखत भएको छ। मृत्यु हुने अन्य आठको सनाखत हुन बाँकी रहेको र शवहरु जिल्ला अस्पताल सन्धिखर्कमा राखिएको प्रहरी नायब उपरीक्षक प्रकाश विष्टले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
