काठमाडौं- १३औं दक्षिण एसियाली खेलकुद (साग) प्रतियोगिताको उद्घाटन आउने आइतबार त्रिपुरेश्वरस्थित रशरथ रंगशालामा हुँदैछ। विविध साँस्कृतिक कार्यक्रमसहित हुने साग उद्घाटनको भोलिपल्ट रंगशालामा पुरुष फुटबलको खेल हुँदैछ।
फुटबल उद्घाटन खेलमा बंगलादेश र भुटान खेल्दैछन्। बंगलादेश र भुटानको खेललपछि त्यही दिन माल्दिभ्स र श्रीलंका खेल्दैछन्।
भूकम्पपछि जिर्ण बनेको रंगशालाको पुनर्निर्माण साग सुरु हुनै लाग्दा सकिएकाले अहिले नेपाली राष्ट्रिय टिमको अभ्यास रंगशालामा भइरहेको देखिन्छ।
सागमा नेपाली पुरुष फुटबलको लागि निकै चुनौती छ। १२औं दक्षिण एसियाली खेलकुद प्रतियोगितामा उसैको भूमिमा भारतलाई २-१ गोलअन्तरले पराजित गर्दै नेपालले स्वर्ण पदक जितेको थियो। त्यही फुटबलमा जितेको त्यस्तो स्वर्ण पदक हो जसले सागमा १ सय ८८ स्वर्ण जितेको भारतलाई पनि छायामा पार्न सक्यो। यसैले डिफेन्डिङ च्याम्पियनको हिसाबले नेपाललाई त्यहि साख जोगाइराख्न चुनौती छ।
सन् १९८४ मा काठमाडौंमा भएको पहिलो साग र १९९३ मा बंगलादेशमा भएको छैटौं र भारतमा २०१६ मा भएको १२औं सागमा गरी अहिलेसम्म नेपालले फुटबलमा तीन पटक स्वर्ण जितेको छ।
१२औं सागमा नेपालले स्वर्ण पदक जित्दा राजुकाजी शाक्य मुख्य प्रशिक्षक थिए। अहिले बालगोपाल महर्जनले मुख्य प्रशिक्षकको जिम्मा पाएका छन्। १९९३ मा तीनै बालगोपाल हुन् जसले बंगलादेशमा नेपालले फुटबलमा मात्रै स्वर्ण पदक जित्दा टोलीमा मुख्य खेलाडी थिए। खेलाडीका रुपमा देशलाई स्वर्ण पदक दिलाइसकेका बालगोपाल महर्जन प्रशिक्षक भएर पनि आफ्नो देशलाई स्वर्ण पदक दिलाउने लक्ष्यमा छन्।
रंगशालामा राति फ्लडलाइट बालेर गरिएको अभ्यास तस्बिरमा
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
.JPG)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
