फिचर

दिवङ्गत पितृको मोक्षका लागि पशुपतिमा शतबीज छरियो [फोटो फिचर]

नेपाल लाइभ सोमबार, मंसिर ९, २०७६ ११:१४

काठमाडौ– मार्गशीर्ष कृष्ण चतुर्दशीका दिन बिहानैदेखि देशभरका शिवालयमा शतबीज छर्नेको घुँइचो लागेको छ। आइतबार रातभर महादीप बाली बसेका भक्तजनले नदीमा स्नान गरी शतबीज छरेका हुन्।

त्यस्तै बिहानै स्नान गरी पशुपति क्षेत्रको मृगस्थलीमा भक्तजनहरुले शतबीज छरेका छन्। रातभर जाग्राम बसेर बालेको वत्ति सेलाउँदै गर्दा सय गेडा धान छरे दिवङ्गत पितृले मोक्ष पाउने शास्त्रीय मान्यता अनुसार शतबीज छरिएको हो।

हेमाद्रीलगायत धर्मशास्त्रका पुस्तकमा वर्णन गरिएअनुसार धानको सय गेडा छर्ने विधि भए पनि हाल कतिपयले मकै, गहुँ, हलेदो, जौ, कागुनोलगायत अन्न शतबीजका रुपमा छर्ने गरेका छन्।

त्रयोदशी राति दिवङ्गत पितृको सद्गतिको कामना गर्दै महादीप बाली शतबीज छरेमा दिवङ्गत पितृले मोक्ष पाउने जनविश्वास छ। पशुपति क्षेत्रको विशेषगरी मृगस्थली, विश्वरुप, सूर्यघाट, कैलाशडाँडा, उमाकुण्ड, गौरीघाटलगायत क्षेत्रमा बिहानैदेखि शतबीज छर्ने भक्तजनको भीड लागेको थियो।

तस्बिरमा शतबीज छर्नेको घुँइचो

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सिंहदरबार र संसद् जलाउने कुरा घटनाअघि नै चलिसकेको थियो : ओली

संविधान आफैंले परिवर्तन ल्याउँदैन, कार्यान्वयन गर्ने हात इमानदार हुनुपर्छ: प्रधानमन्त्री बालेन

यसरी मनाइयो सैनिक मञ्च टुँडिखेलमा संविधान दिवस (तस्बिरहरू)