एजेन्सी- कर्मचारीहरूले कार्यालय नआउनका लागि सानाे-सानाे झुठ बाेल्ने गरेकाे पाइएकाे छ। उनीहरूले यसका लागि बिरामीकाे बहाना पनि बनाउने गरेका एक अध्ययनले देखाएकाे छ।
बेलायतका कर्मचारीहरूले बिरामीको सानो झुठ बोलेर आफ्ना मालिकहरूबाट बिदा लिने गरेकाे अध्ययनले देखाएकाे हाे। प्रत्येक पाँच कर्मचारीमा दुईजनाले यस्ताे बहाना बनाउने गरेकाे पाइएकाे बिबिसीकाे सर्वेक्षणमा उल्लेख गरिएकाे छ।
सर्वेक्षणमा कामदारहरूको नैतिकता र मूल्यमा प्रश्न उठाउँदा उनीहरूले यो झुठ बाेल्ने गरेकाे बताएका हुन्। चोरी गर्ने र अन्य व्यक्तिको कामकाे श्रेय पनि आफूले लिने गरेकाे पनि उनीहरूले स्वीकारेका छन्।
बेलायतकाे राष्ट्रिय तथ्यांकका अनुसार कर्मचारीले बर्षमा चार दिन बिरामी बिदा लिन्छन्। सन् २०१८ मा कर्मचारीहरू कार्यालय नआउनुको सबैभन्दा साधारण कारणहरूमा सामान्य चिसो, मस्कुलोस्केलेटल समस्या (कमर दुख्ने) र मानसिक थकानजस्ता रोगहरू रहेकाे छन्।
कनिष्ठ कर्मचारीहरू वरिष्ठभन्दा बढी झुठ बाेल्ने गरेकाे पाइएकाे छ। यद्यपि उनीहरू सहकर्मीहरूलाई सहयोग गर्न तयार देखिएका छन्। प्रतिवेदनले यो पनि पत्ता लगाएको छ कि महिलाको तुलनामा अरूको कामको श्रेय लिने प्रवृत्ति पुरुषमा दुई गुणा बढी छ।
सर्वेक्षणमा सहभागी मध्येका एक तिहाइ सदस्यहरूले उनीहरूले साना चीजहरू चोरी गर्ने गरेकाे बताएका छन्। जस्तै स्टेपलर र नोटबुकहरू लैजाने गरेका छन्।
प्रतिवेदन १६ बर्षभन्दा माथिका ३ हाजार ६ सय ५५ वयस्कहरूसँगको सोधपुछका आधारमा तयार गरिएको हाे। सर्वेक्षणका अनुसार ६६ प्रतिशत कर्मचारीहरूले आफ्ना सहकर्मी बिरामी नहुँदा पनि हाकिमसँग कुरा लुकाउँछन्।
कर्मचारीले हाकिमसँग बिदा लिन्छन्
एक व्यवसायिक मनोवैज्ञानिक हेले लुइसका अनुसार कर्मचारीहरूले प्रायः बिरामी बताउनुकाे कारण मालिकलाई उनीहरूले बिदा लिन चाहन्छन् भन्ने जानकारी गराउनु नै हाे। 'यदि उनीहरूको मालिकसँग सम्बन्ध खराब छ भने कम सत्य बोल्छन्,' लुइस भन्छन्, 'कर्मचारीहरू उनीहरूका हाकिमको व्यवहारबाट पनि प्रभावित हुन सक्छन्।'
असन्तुष्टिबाट जाेगिन बहाना
हेले लुइसका अनुसार कर्मचारीहरू आफ्नो मालिकलाई मोडलका रुपमा पछ्याउँछन्। यदि हाकिमले विश्राम लिइरहेको छैन र उसले खाजा खाने समयमा पनि टेबुलमा खाइरहेको छ भने बाँकी कर्मचारीहरूले पनि मालिककै सिकाे गर्छन्।
यसले कर्मचारीहरूलाई मालिक अनुसार काम गर्न अनुमति दिन्छ। तर जब ऊ विश्राम लिन चाहन्छ, उसले मालिकको असन्तुष्टिबाट बच्न बहाना बनाउनु पर्छ।
कम उमेरका कर्मचारीकाे विराेध बढी
यदि कार्यालयमा एउटा पुरुष मालिकले एक महिला कर्मचारीलाई अनुचित रूपमा छुँदैछ भने ३४ बर्ष भन्दा मुनिका कर्मचारीहरूले बढी विराेध गर्ने गर्दछन्। अध्ययनअनुसार बुढेसकालका कर्मचारीको भन्दा उनीहरुकाे विराेध दोब्बर हुन्छ।
वरिष्ठ व्यक्तिले युवा सहकर्मीलाई यौन दुर्व्यवहार गरे भने ७० प्रतिशत महिला उसकाे पक्षमा उभिन्छन्। जबकी ५५ बर्ष उमेर पार गरेका कर्मचारीमा आधाभन्दा कम कर्मचारीले महिलालाई सहयोग गर्दछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
