काठमाडौं- गण्डकी प्रदेशका मुख्यमन्त्री पृथ्वी सुब्बा गुरुङले पोखरा रंगशालाको निरिक्षण गर्दै निर्माणको क्रममा आवश्यक अपुग रकम तत्काल विनियोजन गर्न सक्ने बताएका छन्। मंसिर १५ देखि सुरु हुने सागमा पोखरा रंगशालामा महिला फुटबल र आर्चरीका खेलहरु हुँदैछन्।
साग सुरु हुन १० दिन मात्र बाँकी रहे पनि रंगशालामा त्रुबो बिछ्याउने काम बल्ल चलिरहेको छ।
बिहीबार रंगशालाको निरिक्षण गर्दै मुख्यमन्त्री गुरुङले पूर्वाधार निमार्णको लागि केही रकम तत्कालै क्याविनेट बैठक बसेर विनियोजन गर्न सक्ने बताएका हुन्।
‘साग सम्पन्न गर्न रकमको अभाव छ भने हामी तत्काल निर्णय गरि विनियोजित गर्छौं, यो गण्डकी प्रदेशको पनि गौरवको विषय हो’ मुख्यमन्त्री गुरुङले भने।
उनीसहित सामाजिक विकास मन्त्री नरदेवि पुन, १३ औँ साग समितिका पदाधिकारी, खेलकुद पदाधिकारीलगायतको टोलीले रंगशालाको निरिक्षण गरेका थिए।
साग सफलतापूर्वक सम्पन्न गर्न आयोजक समितिलाई सबैले सहयोग गर्नुपर्ने धारणा राख्दै मन्त्री गुरुङले पोखरा रंगशालामा निर्माणाधीन पोखरा फुटबल मैदान, क्रिकेट मैदान, आर्चरी, व्याटमिन्टन, वहुउदेश्यीय कभर्डहलको निरिक्षण गर्दै साग आायोजक समितिका पदाधिकारी समेतलाई भेटेर रंगशालाको बारेमा जानकारी लिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791101331.png)
-1791099782.png)
-1786602170.png)
