चीनमा ५-जी सेवा सुरु, कतिमा मिल्दैछ डाटा प्लान?

सूचना-प्रविधि

नेपाल लाइभ सोमबार, कात्तिक १८, २०७६ १७:३२

बेइजिङ- चीनमा ५-जी सेवाको सुरुवात गरिएको छ। योसँगै चीनले विश्वस्तरमा प्रविधिको मामिलामा ठूलो फड्को मारेको हो।

चीनको सरकारी मोबाइल अपरेटर चाइना मोबाइल, चाइना युनिकम र चाइना टेलिकमले बिहीबार आफ्नो ५-जी डाटा प्लानको घोषणा गरेको हो। उक्त घोषणा चीन र अमेरिकाबीच भइरहेको व्यापार तथा प्राविधिक क्षेत्रमा टकराव भइरहेको अवस्थामा भएको हो।

चीनभन्दा पहिले दक्षिण कोरिया, अमेरिका र ब्रिटेनले यसै साल ५-जी नेटवर्कको सुरुवात गरिसकेका छन्। ५-जी पाँचौँ जेनेरेसनको मोबाइल नेटवर्क हो। ५-जीमा इन्टरनेटको तीव्र गति हुने दावी गरिएको छ।

५-जीको डाटा प्लानको मूल्य
पहिले चीनले एक वर्षपछि ५-जी सेवाको सुरुवात गर्ने भनेको थियो। तर, चीन यस कार्यमा तीव्ररुपमा अघि बढ्यो र यसै सालबाट ५-जी सेवाको सुरुवात गरेको हो।

यो तीव्र गतिवान सेवा चीनका ५० सहरमा सुरु भइसकेको छ। चीनको सरकारी समाचार एजेन्सी सिन्ह्वाका अनुसार ५-जी डाटाको मूल्य १ सय २८ युआन (करिब १ हजार ३ सय रुपैयाँ) देखि लिएर ५ सय ९९ युआन (करिब ६ हजार रुपैयाँ) सम्म रहेको छ।

चीनमा ५-जी सेवा सुरु गर्नका लागि नेटवर्कसम्बन्धी उपकरणको सबैभन्दा बढी प्रयोग ख्वावे कम्पनीको छ। यस कम्पनीले अन्य देशमा ५-जी नेटवर्क स्थापित गर्नमा पनि अहम् भूमिका निभाइरहेको छ।

फरक कुरा त के छ भने ख्वावे कम्पनीलाई अमेरिकाले 'ब्ल्याक लिस्ट'मा राखेको छ। तर, ख्वावेले आफूमाथि लागेका सबै आरोपलाई खन्डन गर्दै आएको छ। चीनमा पनि अमेरिकाको यो कदमलाई व्यापार युद्धको तवरले हेरिने गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए कार्यसम्पादन प्रतिवेदन, ९८.९९ प्रतिशत अंक दाबी

सहकारी ठगी प्रकरण: धरौटी बुझाएर छुटिन् लीला पछाईं

स्थलमार्ग हुँदै काठमाडौं आउँदै रवि लामिछाने