एजेन्सी- भारतका चर्चित अभिनेता विनोद खन्नाको गत वर्ष निधन भइसकेको छ। क्यान्सरका कारण उनको ७० वर्षको उमेरमा निधन भएको हो। खन्नाले सन् १९६८ मा ‘मन की मित’बाट आफ्नो फिल्मी यात्रा सुरु गरेका थिए। उनले त्यो फिल्ममा खलनायकको भूमिका निभाएका थिए। त्यो फिल्म निकै हिट भएको थियो। विनोद खन्नाको जन्म ६ अक्टोबर १९४६ मा पाकिस्तानको पेशावरमा भएको थियो। पाकिस्तान स्वतन्त्र भएपछि खन्ना परिवार मुम्बई बसाइ सरेको थियो। उनका एक भाई र तीन बहिनी छन्। विनोद खन्नाका बुवाको टेक्सटाइल र ड्राई केमिकलको व्यापार थियो। विनोद खन्ना स्कुल पढ्दा निकै लजालु स्वभावका थिए।
स्कुलमा शिक्षकले उनलाई जबर्जस्ती नाटकमा भाग लिन लगाएका थिए। सो नाटकपछि खन्नामा अभिनय गर्ने रहर जागेको थियो। तर, विनोदका बुवा उनको अभिनयप्रतिको रुचीमा खुसी थिएनन्। अन्ततः उनी फिल्म क्षेत्रमै प्रवेश गरे। विनोद खन्नालाई सुनील दत्तले ‘मन की मित’ फिल्ममा अवसर दिएका थिए। सुनिलका भाई सो फिल्मका हिरो थिए। उनी फिल्म क्षेत्रमा हराए तर विनोद खन्ना फिल्म क्षेत्रमा स्थापित भए। विनोद खन्ना नायक र खलनायक दुवै भूमिकामा उत्तिकै छाएका थिए। विनोख खन्ना सन् १९९७ र १९९९ मा पन्जावको गुरदासपुर क्षेत्रबाट २ पटक भाजपाका सांसद समेत बने। उनी सन् २००२ मा केन्द्रमा संस्कृति तथा पर्यटन मन्त्री बनेका थिए।
सफलता चुमिरहेकै अवस्थामा सन् १९८२ मा विनोद खन्ना फिल्म क्षेत्रबाट सन्यास लिएर ओशोको अनुयायी बनेका थिए। उनले ओशो आश्रममा भाँडा माझ्ने र मालीको समेत काम गरेका थिए। उनी ओशोको अनुयायी बनेपछि श्रीमती गीतान्जलीले डिभोर्स दिएकी थिइन्। गीतान्जलीबाट अक्षय र राहुल खन्नाको जन्म भएको थियो। अक्षय खन्ना अभिनेता हुन्। सन् १९९० मा विनोदले अर्को बिहे गरेका थिए।
उनकी दोस्रो श्रीमती कविताबाट एक छोरा र एक छोरीको जन्म भएको थियो। विनोदले तेस्रो बिहे नगर्ने बाचा गरेपछि मात्र कविताले उनीसँग बिहे गरेकी थिइन्। आशोको अनुयायी बनेको ५ वर्षपछि उनी फेरी फिल्म दुनियाँमा फर्किएका थिए। उनले १ सयभन्दा बढी फिल्ममा अभिनय गरेका छन्। उनलाई मन पर्ने कलाकार राजेश खन्ना हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
