काठमाडौं- इंग्ल्याण्डको मेरिलेबोन क्रिकेट क्लब (एमसिसी) विरुद्धको एकदिवसीय खेलमा नेपाली यु १९ टिम ३८ रनले पराजित भएको छ। ३ सय ३५ रनको लक्ष्य पछ्याएको नेपालले २ सय ९६ रन मात्रै बनाउन सकेको हो।
त्रिवि मैदान कीर्तिपुरमा नेपालले टस जितेर फिल्डिङ रोजेपछि ब्याटिङमा आएको एमसिसीले पूरा ५० ओभर खेल्दै ७ विकेट जाँदा ३ सय ३४ रन बनाएको थियो।
एमसिसीका विल रोड्सले ८३ बलमा ९३ रन, टम वेट्लीले ५५ बलमा ६५ रन, माइल्स हामोन्डले ३६ बलमा ६५ रन बनाएका थिए। नेपालका शेर मल्ल र सागर ढकालले दुई–दुई साथै आकाश चन्द र कुशल मल्लले एक–एक विकेट लिएका थिए।
जवाफी ब्याटिङमा आएको नेपालले पूरा ओभर खेल्दै ९ विकेट जाँदा २ सय ९६ रन मात्रै बनाउन सकेको हो। नेपालका लागि ओपनिङमा आएका ऋत गौतमले ५८ बलमा ४५ रन साथै लोकेश बमले १३ बलमा १८ रन बनाएका थिए।
यस्तै खडक बहादुर बोहराले २६ बलमा २६ रन, बिशाल बिक्रम केसीले ३५ बलमा १३ रन, हरि गौचनले ६० बलमा ५२ रन, अरुण ऐरीले ४० बलमा ३० रन, कुशल मल्लले ९ बलमा १२ रन, आकाश चन्दले २६ बलमा ३० रन साथै शेर मल्लले २४ बलमा अविजित २८ रन बनाए।
नेपालमा क्रिकेटको विकासका लागि सहयोग गर्ने हेतुले आएको एमसिसीले राष्ट्रिय टिमसँग सोमबार एकदिवसीय खेल खेल्नेछ।
सोमबारको एकदिवसीयपछि आउँदो २० गतेदेखि २२ गतेसम्म राष्ट्रिय टिमसँग नै तीन दिवसीय, २३ गते टी २० साथै २५ र २६ गते पोखरामा एमसिसीले पोखरा आमन्त्रण टिमसँग टी २० खेल खेल्ने तालिका रहेको छ।
यसका लागि नेपाल क्रिकेट संघ (क्यान)ले गएको बिहीबार ज्ञानेन्द्र मल्लको कप्तानीमा टोलीको घोषणा गरेको थियो। टी–२०, एकदिवसीय र प्रथम श्रेणी क्रिकेटका लागि घोषणा गरिएको टोेलीमा पूर्वकप्तान पारस खड्का भने एकदिवसीय टिममा मात्रै परेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
