जोहनेसवर्ग (एजेन्सी)– दक्षिण अफ्रिकालाई पाँचौ एकदिवसीयमा पराजित गरेपछि भारतले २६ वर्षपछि अफ्रिकालाई उसैको घरमा सिरिज जित्ने इतिहास मात्र रचेन, अस्ट्रेलियाको लगातार ८ वटा शृंखला जित्ने कीर्तिमानलाई पनि भंग गरेको छ।
भारतले पाँचौ एकदिवसीय ७३ रनले जितेको थियो। जसका कारण भारत ४–१ ले अन्तिम खेलअघि शृंखला जित्न सफल भए।
भारतले द्विपक्षीय एकदिवसीय शृंखला जित्ने अस्ट्रेलियाको कीर्तिमानलाई पछाडि छोडेको हो। भारतको यो लगातार नवौं द्विपक्षीय शृंखला जित हो।
लगातार एकदिवसीय शृंखला सर्वाधिक जित्ने कीर्तिमान वेष्ट इन्डिजको नाममा छ। जसले मे १९८० देखि मार्च १९८८ सम्म लगातार १५ शृंखला जितेको थियो। अस्ट्रेलियाले २००९ देखि २०१० को बीचमा ८ वटा शृंखला जितेको हो। भारतले २०१६ मा जिम्बाबेबाट जितको सुरुवात गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
