एजेन्सी– चीनबाट एउटा रोचक घटना बाहिर आएको छ। एक चिनियाँ व्यक्तिले धनी बन्न राता–रात बाटो नै बेचिदिएका छन्। बेलायतबाट प्रकासित हुने डेलीमेल पत्रिकाका अनुसार ती चिनियाँले ८ सय मिटर सडकबाट ५ सय टन सिमेन्टको कंक्रिट निकाल्दै ५ हजार युआनमा विक्री गरेका छन्।
यो घटना त्यतिबेला बाहिरिएको थियो, जब स्थानीय गाउँलेले सडक गायब भएपछि प्रहरीलाई सूचना दिएका थिए। प्रहरीले सडकबाट सिमेन्ट निकालेर बेच्ने व्यक्तिलाई पक्राउ गरेको र उसको नाम झु रहेको बताएको छ।
घटना जियानसु प्रान्तको सानकेसु गाउँमा भएको थियो। गाउँलेहरूले सडकको मर्मत हुन लागेको भन्दै पहिले खासै वास्ता गरेका थिएनन्। तर, जब उनीहरूले प्रहरीलाई यस कुराको जानकारी दिए त्यसपछि मात्र थाहा भयो, सडक वास्तवमा चोरी भइसकेको रहेछ।
झुले ८ सय मिटर सडकको कालोपत्र फोडेर भित्रबाट सिमेन्टले बनाइएको कंक्रिट निकालेका थिए। जसलाई उनले नजिकैको फ्याक्ट्रीमा बेचेका थिए।
पक्राउपछि प्रहरीलाई बयान दिने क्रममा झुले भने, ‘मेरो व्यापार राम्रो चलिरहेको थिएन्। मेरो बाटो हुँदै कोही हिड्दैन्थे। त्यसैले मैले बाटो फोडेर भित्रबाट निस्किएको सिमेन्टको कंक्रिट बेचे।’
उसले प्रहरीसमक्ष प्रति टन १० युआनको हिसाबले सिमेन्ट बेचेको स्विकार गरे। उनले यसबाट ५ हजार युआन आम्दानी भएको र यसबाट नयाँ व्यापार गर्ने तयारीमा रहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
