काठमाडौं– प्रधानमन्त्री केपी शर्मा ओलीले अहिलेको सरकार जनताको जनताको फ्रस्टेसनमा टेकेर नबनेको बताएका छन्।
प्रतिनिधिसभाको आजको बैठकलाई सम्बोधन गर्दै उनले आफूहरुको संघर्ष र बलिदान, सही नीतिहरु हेरेर लोकतान्त्रिक विधिबाट जनताले बनाएको सरकार भएको बताए। 'एउटा ह्विममा, तत्कालीन सेन्टिमेन्ट टेकेर बनेको सरकार होइन', उनले भने, 'संघर्ष र बलिदान, सही नीतिहरु हेरेर लोकतान्त्रिक विधिबाट बनेको सरकारको हो।'
प्रधानमन्त्री ओलीले विरोधीहरुले सकारको लोकतान्त्रिक प्रतिवद्धताप्रति भ्रम फैलाएको आरोप पनि लगाए। 'कहिलेकहिले यहाँ सरकारको लोकतन्त्रप्रतिको निष्ठाप्रति भ्रम फैलाउने काम भएको छ। यो हाम्रो विरोधीहरुले चलाउने हल्ला हो', उनले भने।
लोकतन्त्रका लागि आफूहरुले कोहीभन्दा कम त्याग र बलिदान नगरेको उनले बताए।
प्रधानमन्त्री ओलीले कुनै नीतिगत र त्रुटीबाट गलत कामबाट, जनताको आलोचना व्यहोर्नुपर्ने अवस्था सिर्जना नगरेको दाबी गरे। 'जनतामा निराशा पैदा गर्ने काम नगर्दा राम्रो हुन्छ', उनले भने, 'यो लोकतन्त्रप्रति प्रतिवद्ध छ। लोकतन्त्रलाई सुदृढ गर्ने बाटोभन्दा वरपर जान सक्दैन।'
त्यस्तै, प्रधानमन्त्री ओलीले हामीले लडेर ल्याएको लोकतन्त्र हामी आफैंले परिमार्जित र परिष्कृत ढंगले दुनियाँको उत्कृष्ट ढंगले अगाडि बढाउनुपर्ने बताए। उनले हामीले ल्याएको लोकतन्त्र वास्तवमै उत्कृष्ट छ।
'हामीले निर्माणको गरेको संविधानबाट लाभ लिने अवस्था हामीले नै सिर्जना गर्नुपर्दछ', उनले भने।
उनले अब आफूहरुको ध्यान सुशासन र विकासमा हाम्रो ध्यान केन्द्रित भएको बताए। 'हामी सबैको साझा र राष्ट्रिय आकांक्षा नै सुखी नेपाली समृद्ध नेपाली हो', उनले भने। (फाइल तस्बिर)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।