काठमाडौं– शनिबार देशका विभिन्न जिल्लामा ७ वटा दुर्घटना भएका छन्। जसमा १३ जनाले ज्यान गुमाएका छन्।
धनुषामा भएको दुर्घटनामा ६ जनाको मृत्यु भएको छ। गणेशमान चारनाथ नगरपालिका–८ कमलापुल नजिकै काठमाडौबाट झापातर्फ जाँदै गरेको बा.९च ३३१४ नम्बरको सुमो गाडी अनियन्त्रित भई करीब २५ मिटर तल रहेको पोखरीमा खसेर दुर्घटना हुदाँ संखुवासभाको धर्मादेवी नगरपालिका–९ बस्ने २९ बर्षीय नयाराज जिमि सहित ६ जनाको घटनास्थलमै मृत्यु भएको हो। दुर्घटनास्थलबाट प्रहरी टोलीले सुमो चालक झापाको कमला गाउँपालिका–५ बस्ने २८ बर्षीय सन्दीप प्रसाद खरेल सहित ५ जनालाई सकुशल उद्दार गरेको छ।
ओखलढुंगाको सिद्धिचरण नगरपालिका–५ बर्णालु स्थित भित्रीसडक खण्डमा शनिबार बा.२ख ९५६४ नम्बरको टिपरले ढुङ्गा अनलोड गरी पछाडी सार्ने क्रममा पछाडीको चक्काले किचेर सडकमा ज्यामी काम गर्ने सोलुको दुधकुण्ड नगरपालिका–८ घर भएका १९ बर्षीय बिवाईसी तामाङको घटनास्थलमै मृत्यु भएको छ। घटनापछि टिपर चालक फरार छन्।
सिन्धुलीको कमलामाई नगरपालिका–८ करकरे स्थित बिपि राजमार्गमा काठमाडौँबाट जनकपुरतर्फ जाँदै गरेको बा.३ख ८५३० नम्बरको माईक्रोबस पल्टिएर दुर्घटना हुंदा चालक सहित १० जना घाइते भएकोले उपचारको लागि जनसेवा अस्पताल बर्दिबास पठाइएकोमा उपचारको क्रममा भारत बिहार मधुवनी जन्हारपुर मिथिलाजित बस्ने महमद कलिमको ५ बर्षीया छोरी नागरिन खातुनको मृत्यु भएको छ।
सल्यानकोश्रीनगरबाट फारुलाको लागी जाँदै गरेको रा.१त २९४९ नम्बरको ट्याक्टर दार्मा गाउँपालिका–३ ढुवाङमा पल्टिएर दुर्घटना हुदाँ सहचालक सोही ठाउँ बस्ने २१ बर्षीय शुरेस रोकायको च्याप्पिएर घटनास्थलमै मृत्यु भएको छ। चालकलाई प्रहरीले पक्राउ गरेको छ।
कपिलबस्तुको बाणगंगा नगरपालिका–८ लौगाईस्थित भित्रि सडकखण्डमा लु.२त ६६७३ नम्बरकोे ट्याक्टरले पैदल यात्री प्युठानको हँसपुर बस्ने २५ बर्षीय सलावत मियालाई शुक्रबार ठक्कर दिदाँ गम्भीर घाइते भएकोले उपचारको लागि जिल्ला अस्पताल तौलिहवा पठाइएकोमा उपचारको क्रममा मृत्यु भएको छ। ट्याक्टर चालक फरार भएका छन्।
सर्लाहीको ईश्वरपुर नगरपालिका–५ फुलजोर चौकीस्थित पूर्ब–पश्चिम लोकमार्गमा ना.४ख ३३९५ नम्बरको टिपर र ज.१च १५१८ नम्बरको पिकअप गाडी शुक्रबार एकआपसमा ठोक्किदा पिकअप चालक सर्लाहीको ईश्वरपुर नगरपालिका–४ बस्ने ४९ बर्षीय अशोक भण्डारीको मृत्यु भएको छ।
पाँचथरको याङबरक गाउँपालिका–३ स्थित भित्रि सडकखण्डमा ग.१ज ६०८५ नम्बरकोे जिप शुक्रबार अनियन्त्रित भई सडकबाट करीब ३ सय मिटर तल खसेर दुर्घटना हुँदा चालक सोही ठाउँ बस्ने १९ बर्षीय प्रबेश योङया र १६ बर्षीय सन्दिप योङयाको घटनास्थलमै मृत्यु भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768660147.png)
-1764146706.png)
-1768395492.png)
