काठमाडौं- नेपाल एयरलाइन्सले काठमाडौं-ओसाका(जापान)को भाडादर तय गरको छ। एयरलाइन्सले सुरुमा प्रवर्द्धनात्मक भाडा दर तोकेको जानकारी दिएको छ। यस अनुसार दुईतर्फी भाडादर ८० हजार रुपैयाँ तोकेको हो।
नेपाल एयरलाइन्सले यही भदौ १२ गतेदेखि काठमाडौं-ओसाका सातामा ३ उडान गर्ने तयारी सहित टिकट बुकिङ खुल्ला गरेको छ।
एयरलाइन्सले दुई वटा वाइबडी ए-३३० मार्फत व्यवसायिक उडान सुरु गरेको एक वर्षपछि लामो दुरीको गन्तव्य जापानको ओसाका उडान गर्न खोजेको हो। तर, एयरलाइन्सको ओसाका उडानमा प्रधानमन्त्री केपी शर्मा ओलीसमेत असन्तुष्टि व्यक्त गरेका छन्।
एयरलाइन्सको ६१औं वार्षिक उत्सव समारोहमै प्रधानमन्त्री ओलीले कार्यकारी अध्यक्ष मदन खरेलसँग ओसाका उडान किन गर्न खोजको प्रश्न गरेका थिए। प्रधानमन्त्री ओलीले नेपालले ओसाका उडानभन्दा जापानकै नारिता उडान गर्नुपर्नेमा जोड दिएका थिए।
एयरलाइन्सका प्रवक्ता गणेशबहादुर चन्दले सेप्टेम्बरसम्मका लागि दुईतर्फी भाडा ८० हजार निर्धारण गरिएको जानकारी दिए।
यसअघि असार १९ गतेदेखि उडान शुरु गर्ने घोषणा गरेको एयरलाइन्सले तयारी नपुगेको भन्दै उडान सारेको थियो। अहिले पनि विमानस्थल मर्मतको काम हुने समयमा ३० मिनेटको लागि नोटामा जारी गर्दै नेपाल एयरलाइन्सलाई ओसाका उडान गर्ने अनुमति प्राधिकरणले दिएपछि मात्रै उडान निश्चित भएको हो।
तर, नेपाल एयरलाइन्सले कोरिया, साउदी अरब तथा चीनमा भने उडान गर्न सकेको छैन्।
नेपाल एयरलाइन्सले १३ वर्षदेखिको उडान सन् २००७ मा जापान उडान बन्द गरेको थियो। चीनको सांघाइबाट ओसाकाको कन्साइ अन्तर्राष्ट्रिय विमानस्थलमा उडान गरेको एयरलाइन्सले जहाज अभावमा बन्द गरेको थियो।
पछिल्लो समय नेपाल र जापान बीचभएको हवाई सम्झौतामा सातामा १४ उडान गर्न पाउने उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
