भारतीय प्रधानमन्त्री नरेन्द्र मोदीको सपथग्रहणमा भाग लिन भारत प्रस्थानका क्रममा प्रधानमन्त्री ओली।
काठमाडौं- प्रधानमन्त्री केपी शर्मा ओली सरकारले एक वर्षमा झन्डै २९ करोड रुपैयाँ भ्रमण खर्च शीर्षकमा खर्च गरेको छ।
अर्थ मन्त्रालयले गत आर्थिक वर्ष २०७५/०७६ मा भ्रमण खर्च शीर्षकमा २८ करोड ७७ लाख ९२ हजार ६ सय ८० रुपैयाँ निकासी गरेको छ। अर्थ मन्त्रालयले गत आवमा साउन र असोज महिनामा भ्रमण खर्च शीर्षकमा रकम निकासी नगरे पनि अन्य १० महिनामा मासिक सरदर ३ करोड रुपैयाँको हाराहारीमा रकम निकासा गरेको छ।
यो रकम भ्रमणका लागि नियमित विनियोजन रकमभन्दा बाहेक अर्थ मन्त्रालयले भ्रमण खर्च शीर्षकमा निकासी गरेको रकम हो।
कुन महिना कति?
२०७६ असार
अर्थ मन्त्रालयले २०७६ असार महिनामा भ्रमण खर्च शीर्षकमा ७ करोड १२ लाख ३९ हजार २ सय ९४ रुपैयाँ निकासी गरेको छ।
• उपराष्ट्रपति नन्द बहादुर पुनको अष्ट्रिया भ्रमण खर्च शीर्षकमा एक करोड ३७ लाख ५३ हजार २ सय ५० रुपैयाँ।
• शहरी विकास मन्त्रालयको ३ सदस्य टोलीको केन्याको नैरोवी भ्रमण खर्च शीर्षकमा ९ लाख ७० हजार ७ सय ३१ रुपैयाँ।
• उद्योग वाणिज्य तथा आपूर्ति मन्त्रीको युनाइटेड वर्ल्ड इन्भेस्टमेन्ट फोरममा सहभागी हुन जाँदा भएको खर्चका आयोजकले नतिरेको खर्च शीर्षकमा ३ लाख ७६ हजार ६ सय १० रुपैयाँ।
• भारतीय प्रधानमन्त्री नरेन्द्र मोदीको सपथ ग्रहण कार्यक्रममा सहभागी हुन भारत भ्रमणमा गएका प्रधानमन्त्री केपी ओलीसहितको भ्रमण टोलीको खर्च शीर्षकमा १२ लाख २१ हजार ६ सय ७५ रुपैयाँ।
• विभिन्न समयमा भएको प्रधानमन्त्री केपी ओलीको विदेश भ्रमणमा भएको खर्च शीर्षकमा मात्रै एकमुष्ट ४ करोड ३७ लाख ५३ हजार २ सय ५० रुपैयाँ।
• खेलकुद मन्त्रीको रसिया भ्रमण खर्च शीर्षकमा ४ लाख १ हजार ९ सय ६२ रुपैयाँ।
• उद्योग मन्त्रीको चीन भ्रमण खर्च शीर्षकमा ३ लाख ९९ हजार ४ सय ५५ रुपैयाँ।
• विभिन्न मन्त्रालयको भ्रमण खर्च शीर्षकमा २१ लाख ८३ हजार ८ सय १ रुपैयाँ।
• स्वास्थ्य मन्त्रीको जेनेभा भ्रमण खर्च शीर्षकमा ११ लाख ८४ हजार ८ सय १२ रुपैयाँ।
• सर्वोच्च अदालतका प्रधानन्यायाधीशको भ्रमण खर्च शीर्षकमा २२ लाख ६ हजार ९ सय ३७ रुपैयाँ।
• अर्थ मन्त्रालयको भ्रमण शीर्षकमा १ लाख ६५ हजार रुपैयाँ।
• कृषि मन्त्रीको भुटान भ्रमण खर्च शीर्षकमा ७३ हजार ७ सय २९ रुपैयाँ।
• सार्वजनिक लेखा समितिसहितको भ्रमण टोलीको खर्च शीर्षकमा ४१ लाख ९३ हजार ५ सय ५७ रुपैयाँ।
• वातावरण मन्त्रीको भ्रमण शीर्षकमा ३ लाख ५३ हजार ३ सय २५।
२०७६ जेठ
अर्थ मन्त्रालयले २०७६ जेठमा ५ करोड ५१ लाख रुपैयाँ सरकारी भ्रमणमा खर्च भएको उल्लेख गरेको छ।
• राष्ट्रपति विद्यादेवी भण्डारीको ९ दिने चीन भ्रमण खर्च शीर्षकमा ३ करोड ९ लाख ५५ हजार रुपैयाँ।
• बैसाख २६ गतेदेखि ७ दिनको भियतनाम र कम्बोडिया भ्रमणमा गएको प्रधानमन्त्रीको टोलीको भ्रमण खर्च शीर्षकमा २ करोड १२ लाख ८५ हजार रुपैयाँ।
• राष्ट्रिय सूचना आयोगका आयुक्त कुमार पोखरेल र यशोदादेवीको दक्षिण अफ्रिका भ्रमण खर्च शीर्षकमा ८ लाख ५१ हजार ३ सय ५० रुपैयाँ।
• मुख्यसचिवसहित ४ जनाको टोलीले इजिप्ट र इजरायल भ्रमण खर्च शीर्षकमा १३ लाख ५६ हजार रुपैयाँ।
• वनमन्त्रीको दोहा भ्रमणमा ७ लाख ४ हजार रुपैयाँ।
२०७६ बैसाख
अर्थ मन्त्रालयले २०७६ बैसाखमा कूल २ करोड ७५ लाख २६ हजार ५ सय २२ रुपैयाँ विभिन्न व्यक्तिको भ्रमण टोलीमा भएको खर्चको नाममा रकम निकासा गरेको छ। यसमा निम्न व्यक्तिको भ्रमणका नाममा निम्नलिखित रकम खर्च भएको देखिन्छ।
• रक्षामन्त्रीको टोलीले न्युयोर्क भ्रमणमा गरेको खर्च ९ लाख ५५ हजार २ सय ४५ रुपैयाँ।
• नेपाल कानुन आयोगमा अध्यक्ष माधव पौडेलसहतिको ३ सदस्यीय टोलीको जिम्बाबे भ्रमणमा १० लाख ८० हजार ४ सय ३२ रुपैयाँ।
• उद्योगमन्त्री मातृका यादवसहितको २ सदस्य टोलीले दुबई र बराइन भ्रमणमा गरेको खर्च ८ लाख ३८ हजार ९ सय ८ रुपैयाँ।
• कानुन, न्याय तथा संसदीय मामिला मन्त्रालयका सचिवसहित २ सदस्यीय टोलीले न्युयोर्क भ्रमणमा गरेको खर्च १३ लाख ९१ हजार ४ सय ६० रुपैयाँ।
• विभिन्न कार्यक्रममा सहभागी हुन विदेश भ्रमण गएका पदाधिकारीको नाममा अर्थ मन्त्रालयको भ्रमण शीर्षक ५३ लाख ७८ हजार ८ सय ५६ रुपैयाँ।
• उद्योगमन्त्री सहितको चीन भ्रमण टोलीको भ्रमण शीर्षकमा ५ लाख ३९ हजार १ सय ५६ रुपैयाँ।
• संयुक्त राष्ट्र संघको दोस्रो उच्चस्तरीय भ्रमणमा परराष्ट्रमन्त्री सहितको भ्रमण टोलीले गरेको खर्च १८ लाख ७० हजार ३ सय ९० रुपैयाँ।
• संयुक्त राष्ट्रसंघको ७३औं महासभामा सहभागी राष्ट्रपति विद्यादेवी भण्डारीको भ्रमण टोलीको लागि १ करोड ६२ लाख १५ हजार ३ सय ४४ रुपैयाँ।
• खेलकुदमन्त्री सहितको न्युयोर्क भ्रमण टोलीले गरेको खर्च ६ लाख ४८ हजार १ सय ९१ रुपैयाँ।
२०७५ चैत
२०७५ चैतमा अर्थ मन्त्रालयले विभिन्न भ्रमण शीर्षकमा कूल ८२ लाख ७२ हजार ४ सय ९ रुपैयाँ रकम निकासा गरेको छ।
• वर्ल्ड हेल्थ अर्गनाइजेसनको ७१औं क्षेत्रीय सम्मेलनमा सहभागी डा विकास देवकोटाको भ्रमणमा खर्च भएको १ लाख ३७ हजार ८ सय ३७ रुपैयाँ।
• मानवअधिकार परिषद्को ४०औं सम्मेलनमा सहभागी परराष्ट्रमन्त्रीको भ्रमण टोलीले खर्च शीर्षकमा ४४ लाख ४१ हजार ७ सय ६७ रुपैयाँ।
• ग्लोबल हेल्थ डिजिटल पार्टनरसिप सम्मेलनका लागि भारत भ्रमणमा गएको स्वास्थ्यमन्त्रीको टोलीले गरेको खर्च २ लाख १ हजार ७ सय २ रुपैयाँ।
• सञ्चारमन्त्रीको स्पेन भ्रमण टोलीको खर्च २६ लाख १० हजार ९ सय ८४ रुपैयाँ।
• कृषि राज्यमन्त्रीको भ्रमण टोलीले इटाली जाँदा गरेको खर्च ८ लाख ८० हजार १ सय १९ रुपैयाँ।
२०७५ फागुन
२०७५ फागुन महिनामा सरकारी कोषबाट भुक्तानी हुने १ करोड ९५ लाख ८३ हजार ६ सय ३८ रुपैयाँ बराबरका भ्रमण भएका छन्।
• उद्योगमन्त्रीको भारत भ्रमणमा २ लाख ६६ हजार ६ सय ५१ रुपैयाँ।
• तत्कालीन पर्यटनमन्त्री स्व रविन्द्र अधिकारीको भारत भ्रमण खर्च शीर्षकमा २ लाख ६१ हजार ८ सय ९७ रुपैयाँ।
• प्रधानमन्त्री विश्व आर्थिक मञ्चको डाभोस सम्मेलनमा सहभागी हुँदा १ करोड ८१ लाख ३५ हजार ७ सय २६ रुपैयाँ।
• कृषिमन्त्री चक्रपाणि खनालको इटाली भ्रमणमा भएको खर्च ९ लाख १९ हजार ३ सय ६४ रुपैयाँ।
२०७५ माघ
२०७५ माघ महिनामा अर्थ मन्त्रालयले विभिन्न मन्त्रालयको नाममा भ्रमण शीर्षकमा ७३ लाख २७ हजार ८० रुपैयाँ निकासा गरेको छ।
• परराष्ट्रमन्त्रीको अमेरिका भ्रमणमा २६ लाख ४१ हजार ८ सय २८ रुपैयाँ।
• पराराष्ट्र मन्त्रालयका विभिन्न पदाधिकारीको भ्रमण खर्च शीर्षकमा ३७ लाख ५ हजार ९ सय ३१ रुपैयाँ।
• संघीय मामिला तथा सामान्य प्रशासनमन्त्री लालबाबु पण्डितको युएई भ्रमण शीर्षकमा ५ लाख ५६ हजार २ सय ८० रुपैयाँ।
• युवा तथा खेलकुदमन्त्री जगतबहादुर सुनारको भारत भ्रमण शीर्षकमा १ लाख ८० हजार ६ सय ८० रुपैयाँ।
• उद्योगमन्त्री मातृका यादवको भारत भ्रमण शीर्षकमा २ लाख ४२ हजार ३ सय ६१ रुपैयाँ।
२०७५ पुस
२०७५ पुसमा अर्थ मन्त्रालयले विभिन्न मन्त्रालयको भ्रमण खर्च शीर्षकमा कूल ७ करोड २१ लाख ५८ हजार २ सय ६० रुपैयाँ निकासा गरेको छ।
• वन तथा वातावरणमन्त्रीको बेलायत भ्रमण खर्च शीर्षकमा ३ लाख १६ हजार ८ रुपैयाँ।
• राष्ट्रपतिको पोल्यान्ड भ्रमण खर्च शीर्षकमा २ करोड १ लाख ४२ हजार ६ सय ६५ रुपैयाँ।
• परराष्ट्रमन्त्री प्रदीप ज्ञवालीको भियतनाम भ्रमण शीर्षकमा ४१ लाख २९ हजार ५ सय २४ रुपैयाँ।
• सञ्चार तथा सूचना प्रवधिमन्त्री गोकुल बाँस्कोटासहितको टोलीको भारत, दुबई, जर्मनी र स्वीट्जरल्यान्डको भ्रमण खर्च शीर्षकमा १९ लाख २७ हजार ६ सय ६३ रुपैयाँ।
• प्रधानमन्त्री केपी शर्मा ओलीसहितको टोली राष्ट्रसंघको ७३औं महासभा र कोस्टारिकाको औपचारिक भ्रमण खर्च शीर्षकमा ४ करोड ३७ लाख ८० हजार ९ सय ८० रुपैयाँ।
• नेपाली सेनाका सहसेनानीको नेतृत्वमा रहेको २३ जनाको टोलीले कम्बोडिया भ्रमणमा गरेको खर्च शीर्षकमा १८ लाख ४१ हजार ७ सय रुपैयाँ।
२०७५ मंसिर
अर्थ मन्त्रालयले २०७५ मंसिर महिनामा भ्रमण खर्च शीर्षकमा २ करोड ५ लाख ८१ हजार ४ सय ५२ रुपैयाँ निकासा गरेको छ।
• राष्ट्रिय योजना आयोगमा माननीय सदस्य कृष्णप्रसाद ओलीको कोरिया भ्रमण शीर्षकमा ३ लाख ६६ हजार ६ सय १२ रुपैयाँ।
• स्वास्थ्यमन्त्री उपेन्द्र यादवसहित टोलीको भारत भ्रमण खर्च शीर्षकमा ४ लाख २० हजार ५ सय ३० रुपैयाँ।
• डा शुशीलनाथ प्याकुरेलको अमेरिका भ्रमण खर्च शीर्षकमा २ लाख ६० हजार ७ सय ६२ रुपैयाँ।
• उद्योगमन्त्री र सचिवसहितको भ्रमण टोलीले वर्ल्ड इन्भेस्टमेन्ट फोरमको भ्रमणमा जाँदाको खर्च ७ लाख ७३ हजार ८ सय ८५ रुपैयाँ।
• नेपाल-भारत जल यातायातसम्बन्धी ७ सदस्यीय प्राविधिक टोलीको अध्ययन भ्रमण खर्च शीर्षकमा ८ लाख २३ हजार ८ सय ७४ रुपैयाँ।
• राष्ट्रपतिको कतार भ्रमण खर्च शीर्षकमा १ करोड २० लाख २४ हजार ७ सय ७५ रुपैयाँ।
• कानुन, न्याय तथा संसदीय मामिलामन्त्रीको जापान भ्रमण खर्च शीर्षकमा १३ लाख ८१ हजार ४ सय २२ रुपैयाँ।
• स्वास्थ्यमन्त्रीको बेलायत भ्रमण खर्च शीर्षकमा ५ लाख ४ हजार ३ सय ११ रुपैयाँ।
• स्वास्थ्यमन्त्रीको काजकिस्तान र स्विट्जरल्यान्ड भ्रमण खर्च शीर्षकमा १३ लाख ६३ हजार २ सय ७२ रुपैयाँ।
• महिला, बालबालिका तथा जेष्ठ नागरिकमन्त्रीको स्विट्जरल्यान्ड भ्रमण खर्च शीर्षकमा ११ लाख ९१ हजार १ सय २६ रुपैयाँ।
• उद्योग सचिवको नेतृत्वमा अमेरिका गएको भ्रमण टोलीको भ्रमण खर्च शीर्षकमा १४ लाख ७० हजार ८ सय ८३ रुपैयाँ।
२०७५ कात्तिक
यसैगरी अर्थ मन्त्रालयले २०७५ को कात्तिक महिनामा कूल ५३ लाख ९७ हजार ६ सय ४३ रुपैयाँ रकम भ्रमण शीर्षकमा निकासा गरेको थियो।
• कानुन, न्याय तथा संसदीय मामिला मन्त्रालयका सचिव सहितको टोलीको फ्रान्स भ्रमण खर्च शीर्षकमा ४ लाख ८० हजार ६ सय ३३ रुपैयाँ।
• उद्योग, वाणिज्य तथ आपूर्ति सचिवको चीन भ्रमण खर्चमा दिइएको पकेट खर्च शीर्षकमा ३६ हजार रुपैयाँ।
• विभिन्न मितिमा अर्थ मन्त्रालयबाट विभिन्न कार्यक्रममा सहभागी हुन जानेहरुहरुले गरेको भ्रमण खर्च शीर्षकमा ३५ लाख ७७ हजार रुपैयाँ।
• रक्षामन्त्री इश्वर पोखरेलको चीन भ्रमण खर्च शीर्षकमा १३ लाख ४ हजार १० रुपैयाँ।
२०७५ भदौ
अर्थ मन्त्रालयले २०५५ भदौमा विभिन्न मन्त्रालयको भ्रमण खर्च शीर्षकमा ५ लाख ५३ हजार ७ सय ५५ रुपैयाँ निकासा गरेको छ।
• प्रमुख निर्वाचन आयुक्त सहितको टोली बंगलादेश भ्रमण जाँदा पकेट खर्चका नाममा निकासा भएको १ लाख ६६ हजार ८ सय ८० रुपैयाँ।
• महिला बालबालिका तथा जेष्ठ नागरिकमन्त्री थममाया थापाको डिएफआइडीको कार्यक्रममा जाँदा ३२ हजार ९ सय ५५ रुपैयाँ।
• संघीय मामिला तथा सामान्य प्रशासनमन्त्री लालबाबु पण्डितको टोलीको चीन भ्रमण खर्च शीर्षकमा ३ लाख ४३ हजार ९ सय २० रुपैयाँ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_PJ3Pux3W9j-1771414611.jpg)
-1764146706.png)
