फाइल तस्बिर
काठमाडौं– उपप्रधानमन्त्री एवम् रक्षामन्त्री ईश्वर पोखरेलले मुलुकलाई समृद्ध बनाउने अभियानमा विशेष योगदान पुर्याउन साहित्यकारहरूलाई आग्रह गरेका छन्।
उपप्रधानमन्त्री पोखरेलले आदिकवि भानुभक्त आचार्यले नेपाली भाषालाई एकतावद्ध बनाए जसरी नै परिवर्तित सन्दर्भमा साहित्यकारहरूले पनि ‘समृद्ध नेपालः सुखी नेपाली’को राष्ट्रिय आकांक्षालाई पूरा गर्न विशेष योगदान दिन जरुरी रहेको बताए।
२०६औं भानु जयन्तीको अवसर पारेर आइतबार काठमाडौंमा आयोजित एक कार्यक्रममा बोल्दै उनले मुलुकको राष्ट्रिय एकतालाई मजदुत बनाउन पनि साहित्यकारहरूले आफ्नो रचनामार्फत् विशेष जोड दिनुपर्ने आवश्यकता औंल्याए।
मुलुकको राष्ट्रिय एकतामाथि आँच पुर्याउने खालका पात्र र प्रवृत्ति आज पनि सल्बलाउन थालेको उल्लेख गर्दै उपप्रधानमन्त्री पोखरेलले त्यसलाई निस्तेज पार्न सबै भाषा, संस्कृति र साहित्यिक व्यक्तित्वहरूको भूमिका महत्वपूर्ण हुने समेत उनले बताए।
उपप्रधानमन्त्री पोखरेलले भने, ‘भानुभक्तका अनुयायी हामीले राजनीतिक आस्था जहाँ भएपनि भाषा, कला र साहित्यको माध्यामबाट मुलुकको राष्ट्रिय एकतालाई बलियो बनाउन एकतावद्ध हुनुको विकल्प छैन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
