अमेरिकामा जलवायु परिवर्तनका कारण तालका माछामा बढी असर

नेपाल लाइभ | २०७६ असार २५ बुधबार | Wednesday, July 10, 2019 ०६:५६:०० मा प्रकाशित

सान फ्रान्सिस्को- जलवायु परिवर्तका कारण विश्वको तापक्रममा वृद्धि हुने क्रमसँगै अमेरिकी एक राज्य विन्कन्सनमा प्राकृतिक रूपमा खोला, नदी तथा तलाउमा पाइने माछाको भविष्यमा आगामी केही दशकभित्र नै व्यापक चुनौती आएको सोमबार सार्वजनिक एक अध्ययन प्रतिवेदनमा उल्लेख छ।

अमेरिकी वैज्ञानिकले भनेका छन् हरेक पाँच माछामध्ये एकभन्दा बढी माछाको जलवायु परिवर्तनका कारण बढेको तापक्रमका कारण मृत्यु हुने गरेको छ। सन् २००४ देखि सन् २०१४ सम्म गरिएको अध्ययनमा पानीको सतहमा तापक्रमको वृद्धिका कारण औसतमा २० प्रतिशत माछाहरू मर्ने गरेका ‘नेचर क्लाइमेट चेन्ज जर्नलमा’ प्रकाशित अध्ययन प्रतिवेदनमा उल्लेख छ।

पोर्टल्यान्डस्थित रिड कलेज, अरेगन र क्यालिफोर्निया विश्वविद्यालयका युसी डेविसले तालको माछामा जलवायु परिवर्तनको प्रभावका कारण बढेको तापक्रमका कारण माछाको मृत्यु भएको पाइएको जनाए। उनले तालमा मरेका ५ सय ४ माछाको अध्ययन र मूल्याङ्कनपछि माछाको मृत्युको कारण तापक्रम वृद्धि रहेको बताए।

उत्तरी क्षेत्रमा रहेका तालको पारिस्थतिकतन्त्रमा तापक्रमको वृद्धिको मुख्य कारण जलवायु प्रदुषण मानिएको उनको भनाइ छ। उनले खासगरी खोला र नदीको तुलनामा तालका माछा जलवायु परिवर्तनका कारण बढेको तापक्रमका कारण मर्ने गरेका भेटिएको जानकारी दिए। रासस/सिन्ह्वा