काठमाडौं- केन्द्रीय तथ्यांक विभागले प्रथम राष्ट्रिय आर्थिक गणना-२०७५ को नतिजा सार्वजनिक गरेको छ।
देशभर रहेका अर्थतन्त्रसँग सम्बन्धित प्रतिष्ठान तथा व्यवसायको व्यवसायिक क्रियाकलापका आधारभूत तथ्याङ्क उपलब्ध गराउन केन्द्रीय तथ्याङ्क विभागले आर्थिक सर्वेक्षण गरिएको थियो।
विभागले २०७५ बैशाख १ गतेदेखि सर्वेक्षण शुरु गरेर २०७६ जेठ मसान्तसम्म संचालन गरेको थियो। यसमा मुलुकभरका विभिन्न औद्योगिक प्रतिष्ठान, साना व्यवसाय तथा त्यसमा आवद्ध जनशक्तिका बारेमा अध्ययन अध्ययन गरेको हो।
तथ्यांक विभागको तथ्याङ्कअनुसार हाल ९ लाख २३ हजार ३ सय ५६ वटा प्रतिष्ठानहरु सञ्चालनमा रहेका छन्। जसमध्ये ४ लाख ६२ हजार ६ सय ५ वटा प्रतिष्ठान अर्थात् कुल संख्याको ५० दशमलव १ प्रतिशत र दर्ता नभएका ४ लाख ६० हजार ४ सय २२ वटा प्रतिष्ठान अर्थात कुल संख्याको ४९ दशमलव ९ प्रतिशत संस्थाहरु कुनै पनि सरकारी निकायमा दर्ता नभएरै सञ्चालन भईरहेका छन्।
प्रतिष्ठानमा सक्रिय रुपमा संलग्न जनशक्तिको संख्या ३२ लाख २८ हजार ४ सय ५७ रहेकोमा २० लाख १२ हजार २ सय ३७ (६२.३ प्रतिशत) र महिला १२ लाख १६ हजार २ सय २० (३७.७ प्रतिशत) महिला रहेका छन्।
प्रतिप्रतिष्ठान रोजगारी आबद्धता साढे ३ दशमलव ५ जना रहेको छ।
थोक तथा खुद्रा व्यापार क्षेत्रमा सबैभन्दा धेरै प्रतिष्ठान सञ्चालनमा रहेका छन्। थोक तथा व्यापार क्षेत्रमा ४ लाख ९८ हजार ६९ प्रतिष्ठान अर्थात् कुल संख्याको ५३ दशमलव ९४ प्रतिशत रहेको र त्यसमा आबद्ध रोजगारी संख्या ९ लाख ८८ हजार ३४६ जना छन्। जुन कुल संख्याको ३० दशमलव ६५ प्रतिशत बराबर हो।
३० प्रतिशत महिला म्यानेजर
पुरुष व्यवस्थापकले सञ्चालन गरेका प्रतिष्ठानको संख्या ६ लाख ४८ हजार ७ सय ७३ अर्थात् ७० दशमलव २६ प्रतिशत रहेको छ भने महिला व्यवस्थापकले सञ्चालन गरेका प्रतिष्ठानको संख्या २ लाख ७३ हजार ४ सय ३६ अर्थात २९ दशमलव ३१ प्रतिशत रहेको छ।
कर्णाली प्रदेश सबैभन्दा पछाडि
३ नम्बर प्रदेशमा सबैभन्दा बढी २ लाख ८३ हजार प्रतिष्ठान संचालन भईरहेका छन् भने सबैभन्दा कम कर्णाली प्रदेश मा ४३ हजार आर्थिक प्रतिष्ठान सञ्चालन भईरहेका छन्।
तथ्याङ्क विभागले विभिन्न २१ वटा विषयवस्तुलाई आधार मानेर तथ्यांक संकलन गरेको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
