बार्सिलोना– ब्राजिलियन स्ट्राइकर नेयमारले पेरिस सेन्ट जर्मन क्लबबाट पुनः बार्सिलोना फर्कने इच्छा प्रकट गरेका छन्। बार्सिलोना फुटबल क्लबका उपाध्यक्ष जोर्डी कार्डनरले नेइमार आफ्नो पुरानो क्लब बार्षिलोना फर्कन इच्छुक रहेको जानकारी दिए।
करिब दुई वर्ष पहिले २५ करोड २० लाख अमेरिकी डलर पाउने भएपछि बार्सिलोना क्लबबाट बाहिरिएका नेयमारले फर्किन चाहेको कुरा विभिन्न सञ्चारमाध्यममार्फत आएको बार्सिलोनाका उपाध्यक्ष जोर्डी कार्डनरले बताए।
ब्राजिलियन घरेलु टोलीमा निकै ख्याति कमाएका नेयमारलाई पेरिस सेन्टमा रहँदा आर्थिक रूपमा त निकै फाइदा भएको छ तर उक्त क्लबबाट सोचेअनुसार प्रसिद्धि भने नआएकोले उनले बार्सिलोना आउने इच्छा व्यक्त गरेको बताइएको छ।
नेयमार बार्षिलोना फर्कन चाहेमा र क्लबले ल्याउने निर्णय गरे पनि उनले अहिले पाइराखेको पारिश्रमिकमा भने फिर्ता ल्याउन नसकिने क्लबका अधिकारीले बताएका छन्।
क्याम्प नोउमा बिहीबार पत्रकार सम्मेलनमा बोल्दै कार्डनरले भने, “हालै मैले समाचारमा पढेअनुसार र विभिन्न माध्यमबाट जानकारी पाए अनुसार नेयमारले बार्सिलोनामा फर्किन चाहेको भन्ने सुनिएको छ। तर सही के हो मलाई थाहा छैन।”
उन थपे– बार्सिलोनाले अहिलेसम्म नेयमारसँग सम्पर्क गरिसकेको छैन। तर आवश्यक प्रक्रिया पूरा गरेर फर्किन चाहेमा बार्सिलोनाले उनलाई उचित स्थान दिन सक्नेछ। एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
