अख्तियारका प्रमुख आयुक्तको चेतावनी- विकास निर्माणमा राजनीति नगर्नुस्

ब्लग

नेपाल लाइभ शनिबार, पुस १५, २०७४ १६:०३

खोटाङ- अख्तियार दुरुपयोग अनुसन्धान आयोगका प्रमुख आयुक्त दीप बस्न्यातले विकास-निर्माणका योजनामा राजनीतिकरण गर्न नहुने बताएका छन्।

आफ्नो गृहजिल्ला खोटाङको छोरम्बुमा शनिबार आयोजित सम्मान कार्यक्रममा प्रमुख आयुक्त बस्न्यातले पछिल्लो समय विकास-निर्माणका योजनामा बढ्दो राजनीतिकरणका कारण देशमा अपेक्षित विकास हुन नसकेको टिप्पणी गरे।

'विकासका नाममा राजनीति नगर्नुस्, राजनीतिबाट विकास गर्नुस्', बस्न्यातले भने, 'आफूले दिएको आश्वासन पूरा गर्नुस्, सम्पूर्ण विकासका आयाम पूरा हुँदै जान्छ।'

४७ वर्षपछि गृहजिल्ला खोटाङ आएका प्रमुख आयुक्त बस्न्यातलाई विकट जिल्लामा जन्मिएर पनि राज्यको उच्च तहमा पुगेर देशको सेवा गरेकोमा छोरम्बुवासीले दोसल्ला ओढाएर सम्मान गरेका थिए।

उनले शनिबारै दिप्रुङ गाउँपालिका–३ छोरम्बुमा विस्तार गरिएको केन्द्रीय विद्युत् प्रसारण लाइनको उद्घाटन पनि गरे। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान