सिन्धुपाल्चोक- मेलम्ची खानेपानी आयोजनाको अध्ययन कार्यदलले सिएमसी पीडित मजदुर तथा निर्माण व्यावसायी हरुलाई आफ्नो लिनु पर्ने रकम तीन दिन भित्र दाबी गर्न अपिल गरेको छ। जिल्ला समन्वय समिति सिन्धुपाल्चोकमा बसेको बैठकले बुधबार यो निर्णय गरेको हो।
सिन्धुपाल्चोकका प्रमुख जिल्ला अधिकारीको समन्वयमा भएको छलफल भएको थियो। अध्ययन कार्यदलले तयार पारेको प्रतिवेदन मन्त्रिपरिषद् र मेलम्ची खानेपानी आयोजना सम्म पुर्याई समस्या समाधानको पहल गर्ने निर्णय गरेको छ।
उक्त अध्ययन कार्यदलले असार २० गतेसम्म प्रतिवदेन तयार गर्ने र २२ गते खानेपानी बोर्डमा पेस गर्ने सहमति भएको थियो। उक्त प्रतिवेदन पारित गरेर खानेपानी मन्त्रालय हुँदै मन्त्रिपरिषद्मा लैजाने सहमति भएको थियो।
स्थानीयवासीलगायत निर्माण व्यावसायी डेढ अर्ब भुक्तानी पाउनुपर्ने माग राखेर आन्दोलनमा थिए। इटालियन निर्माण कम्पनी सिएमसीले काम छाडेर गएपछि उनीहरुले रकम पाएका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
