गुल्मी – नेकपा एमालेका सचिव एवं गुल्मी क्षेत्र नं २ का प्रतिनिधिसभा सदस्य गोकर्ण विष्टले पुसभित्र नयाँ सरकार गठनको संभावना नरहेको बताएका छन्।
गुल्मी सदरमुकाम तम्घासस्थित रेसुुङ्गा वहुमुखी क्याम्पसको ३५ औँ वार्षिकोत्सवको उद्घाटन गर्न शुक्रबार आएका विष्टले सञ्चारकर्मीसँगको भेटमा निर्वाचन आयोगले अविलम्व समानुपातिकतर्फको परिणाम घोषणा गर्नुपर्ने भन्दै त्यसपछि मात्र नयाँ सरकारको ढोका खुल्ने बताए।
एमाले र नेकपा माओवादी केन्द्रबीच पटक पटक संवाद भइरहेको भन्दै उनले पार्टी एकतामा कसैलाई आशंका नगर्न आग्रह गरे।
वाम गठबन्धनमा कुनै प्रकारको जटिलता नरहने गरी सहज ढंगले समाधान निस्कने र त्यसको सहज ढंगले व्यवस्थापन हुनेमा जोड दिँदै उनले एकताले केही समय लिन सक्ने स्पष्ट पारे।
५ नं प्रदेशको राजधानी रुपन्देहीनै हुनुपर्ने भन्दै नेता विष्टले शान्तिका अग्रदूत गौतमबुद्ध जन्मेको प्रदेशमा राजधानी कहाँ रहने भन्ने विषयमा धेरै विवाद गर्नुपर्ने अवस्था नरहेको स्पष्ट पारे । रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
