काठमाडौं– चलचित्र ‘झमक बहादुर’ को स्टोरी बेस रिमिक्स गीत सार्वजनिक भएको छ। शुक्रबार राजधानीमा पत्रकार सम्मेलन गरी चलचित्रमा समावेस ‘आमैले भन्थे धाराको पानी...’ बोलको गीत सार्वजनिक गरिएको हो। गीतमा कुसुम गजमेरको शब्द, रञ्जित गजमेरको संगीत तथा ओम सुनारको रिमिक्स रहेको छ। गीतमा ओम सुनार, कविता श्रेष्ठ र मिस्टर आरजेले स्वर दिएका छन्।
रिमिक्स भर्जनको ‘आमैले भन्थे धाराको पानी....’ यसअघि सन् १९८७ को हिट चलचित्र ‘साइनो’को रोमान्टिक गीत पनि हो।
उक्त गीतलाई रिमिक्स गर्न ‘झमक बहादुर’ टिमले कपीराइट खरिद गरेको जनाएको छ।
साइनोमा नायक भुवन केसीको रोमान्टिक नृत्य देख्न सकिन्छ भने, चलचित्र ‘झमक बहादुर’को रिमिक्स गीतमा अनुप विक्रम शाही लागयतका कलाकारको अभिनय हेर्न पाइन्छ ।
चलचित्र ‘साइनो’को ओरिजिनल गीत
नेपाली समाजभित्र झुपडीमा बस्ने अर्थात् सुकुम्बासी जीवन विताउने र शहरका ठूलाठूला महलमा बस्नेहरूका बीचको द्वन्द्वात्मक परिस्थितिलाई पर्दामा उतार्न खोजिएको चलचित्र ‘झमक बहादुर’ आउँदो जेठ ११ गतेबाट अल नेपाल रिलिज गरिने निर्माता मिनकुमार तामाङले जानकारी दिए।
दियालो इन्टरटेन्मेन्टको प्रस्तुति रहेको चलचित्र झमक बहादुर काठमाडौं, पोखरा लगायतका स्थानमा छायांकन गरिएको छ । चलचित्रमा अनुपविक्रम शाही, यादव देवकोटा (सरापे), राजु कमेडी, सुजता थापा, मिनकुमार तामाङ लगायतको मुख्य अभिनय छ।
चलचित्रमा राजु किरातको द्वन्द्व, भोमन कटुवालको पटकथा, कल्याण अधिकारीको कथा, रोजन भुजेलको सम्वाद तथा पवन गौतमको छायांकन छ।
चलचित्र ‘झमक बहादुर’को रिमिक्स सिक्वेल गीत
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।