काठमाडौं- सन् २०२६ को शीतकालीन ओलम्पिक आयोजना गर्ने जिम्मेवारी इटालीले पाएको छ।
अन्तर्राष्ट्रिय ओलम्पिक कमिटी (आइओसी)द्वारा स्विडेनको स्टोकहोल्ममा आयोजित भोटिङबाट इटालीका दुई सहरहरु मिलान र कोर्टिना डि एम्पेजोले ओलम्पिक आयोजनाको जिम्मेवारी पाएका हुन्।
स्केटिङ र आइस हक्कीका खेलहरु मिलानमा र अल्पाइन स्किङका अधिकांश इभेन्टहरु कोर्टिनामा हुने बताइएको छ। हिउँमा खेलिने अन्य खेलहरु बोर्मिओ र लिभिग्नोमा हुनेछन्।
सन् २०२६ को शीतकालीन ओलम्पिक फेब्रुअरी ६ देखि २२ सम्म आयोजना हुनेछ। सोही वर्ष आयोजना हुने शीतकालीन पारा-ओलम्पिक पनि इटालीमा नै हुने तय भएको छ। पारा-ओलम्पिक मार्च ६ देखि १५ सम्म आयोजना हुनेछ।
इटालीले यसअघि २ पटक शीतकालीन ओलम्पिकको सफल आयोजना गरिसकेको छ। सन् १९५६ मा कोर्टिना र २००६ मा टुरिनमा ओलम्पिकको आयोजना भएको थियो।
स्विट्जरल्यान्डको सिओन, जापानको साप्पोरो, अष्ट्रियाको ग्राज र क्यानडाको कालगरीलाई पछि पार्दै इटालीले जिम्मेवारी पाएको हो।
सोमबार भएको भोटिङमा आइओसी अध्यक्ष थोमस ब्याचले मिलान-कोर्टिना लेखिएको खाम खोलेका थिए। ओलम्पिक आयोजनाका लागि इटालीले ८२ पूर्णांकमा ४७ अंक पाएको थियो।
हालसम्म शीतकालीन ओलम्पिक आयोजना गर्ने जिम्मेवारी नपाएको र स्टोकहोल्म राजधानी हुनु तथा ठूलो स्की रिसोर्ट भएका कारण पनि स्विडेनले यसपटक ओलम्पिक आयोजनाको जिम्मेवारी पाउने अनुमान गरिएको थियो। तर, स्टोकहोल्मबाहेक पनि आयोजनाका लागि तात्भियाको सिगुल्डा पनि जोडिएकोले मात्र ३४ भोट पाएको थियो।
घोषणापछि अध्यक्ष ब्याचले मिलान र कोर्टिनालाई बधाई दिएका थिए। उनले शीतकालीन खेलका लागि चिनिएको इटालीमा ओलम्पिक खेलको सफल र शानदार आयोजना हुनेमा आफू विश्वस्त रहको उनको भनाइ छ।
'इटालीका प्रशंषकहरुको मोह र ज्ञान, अनुभवी भेन्यू अपरेटरसँगको संयुक्त सहकार्यले विश्वका उत्कृष्ट खेलाडीका लागि सहज र सुहाउँदो वातावरण बन्नेछ,' उनले भने।
इटालीका दुई सहरका नाम घोषणा हुने बित्तिकै कार्यक्रममा इटालीको पक्षमा नारा लगाइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787645626.png)
-1787643624.jpg)
-1786602170.png)
-1786513116.png)
