काठमाडौं- १२औं आइसिसी विश्वकप क्रिकेटअन्तर्गत सोमबार राति सम्पन्न खेलमा बंगलादेशले अफगानिस्तानलाई ६२ रनले पराजित गरेको छ।
इंग्ल्यान्डको साउथहृयाम्पटनमा भएको खेलमा अफगानिस्तानलाई हराउँदै बंगलादेश ७ अंकसहित पाँचौं स्थानमा उक्लिएको छ। यो जितसँगै बंगलादेशले विश्वकप सेमिफाइनलमा पुग्ने आफ्नो लक्ष्यलाई कायमै राखेको छ।
बंगलादेशको जितमा कप्तान शकिब अल हसन नायक सावित भए।
हसन एक्लैले अफगानिस्तानका ५ ब्याट्सम्यानलाई पेवेलियनको बाटो देखाए। अलराउन्ड प्रदर्शन गरेका उनले ६९ बलमा ५१ रन समेत बना। योसँगै अफगानिस्तान लगातर सातौं खेलमा पनि पराजित भएको छ।
टस हारेर पहिले ब्याटिङ गरेको बंगलादेशले अफगास्तिानलाई जितका लागि २ सय ६३ रनको चुनौती दिएको थियो। लगत्तै ब्याटिङ गरेको अफगानिस्तानले ४७ ओभरमा सबै विकेटको क्षतिमा २ सय रन मात्रै बनाउन सक्यो।
अफगानिस्तानका लागि समिउल्लाह शिनवारीले अविजित ४९ रन, कप्तान गुल्बादिन नाइबले ४७, राहमत शाहले २४, नजिबउल्लाह जद्रानले २३ रन बनाउनुबाहेक अन्य खेलाडीले सम्झनलायक प्रदर्शन गर्न सकेनन्।
बलिङतर्फ शकिबको उत्कृष्ट प्रदर्शनका वाबजुद बंगलादेशको जित सम्भव भएको हो। १० ओभर बलिङ गरेका शकिबले एक ओभर मेडन राख्दै २९ रन खर्चेर ५ विकेट लिएका थिए। यसैगरी मुजिब उर रहमानले ३ र गुल्बादिन नाइबले २ विकेट लिए।
बंगलादेशको मध्यम स्कोरमा मुश्फिकर रहिमले सर्वाधिक ८३, तमिम इकबालले ३६ रन बनाउँदा मोसाद हुसेनले ३५ रनको योगदान दिए।
अफगानिस्तान यसअघि नै विश्वकपबाट बाहिरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
