काठमाडौं- रौटतहट जिल्लाका एक व्यक्तिले महिला र पुरुष दुवैको नाममा नागरिकता लिएको रहस्य खुलेको छ।
वंशजको आधारमा नागरिकता लिएका जेठरहिया-७ का सरगुन सहनी मलाहको प्रतिलिपि नागरिकता दिँदा लिङ्गमा महिला बनाइपछि दुईथरि नागरिकता भएको हो।
उनको महिला र पुरुष दुवैमा नागरिकता रहेको रहस्य जिल्ला अदालत रौतहटमा मुद्दा खेपेपछि मात्र खुलेको हो। जग्गा विवाद सम्बन्धी मुद्दाको फैसला भएर धरौटी फिर्ता लिन खोज्दा उनले महिला र पुरुष दुवैको नागरिकता पेस गरेपछि यो रहस्य पर्दाफास भएको हो।
नागरिकता नम्बर ४०५४०६९३ रहेका सहनीको २०३८ कात्तिक १० मा जारी भएको नागरिकतामा लिङ्ग पुरुष छ। तर त्यसैको प्रतिलिपिमा महिला र फरक उमेर उल्लेख छ। सुरुको नागरिकतामा तत्कालीन समयमा प्रशासन अधिकृत रहेका मोतीकृष्ण खरेलले हस्ताक्षर गरेका छन्। तर पछिल्लो पटक लिइएको प्रतिलिपिमा पहिलो नागरिकता जारी गर्ने अधिकारीको नाम खरेलको हुनुपर्नेमा बोधराज ज्ञवालीको उल्लेख छ। तर उनीहरुको पदीय हैसियत भने समान भएको लेखिएको छ।
जिल्ला प्रशासन कार्यालय रौतहटले प्रतिलिपि नागरिकता उपलब्ध गराउँदा एक पुरुषलाई महिलाको नाम राख्दै उपलब्ध गराएको रहस्य बाहिरिएको हो। जिल्ला प्रशासन कार्यालयले लिङ्गपछि नाम र उमेर पनि परिवर्तन गरिदिएको छ।
जग्गा सम्बन्धी मुद्दाको धरौटी फिर्ता गर्न जिल्ला अदालत आएका सहनीले दुई प्रकारको नागरिकता देखाएपछि यस्तो रहस्य खुलेको हो।
अदालतका कर्मचारीले एउटै व्यक्तिको महिला र पुरुषको नाममा नागरिकता देखेपछि आफैं रणभुल्ल परेका थिए।
दुबै नागरिकता बैंकको खातासँग भिडाएपछि एकै व्यक्ति भएको अदालतले पहिचान गरेको थियो। दुबै नागरिकता नम्बर भने समान छ।
वंशजका आधारमा नागरिकता लिएका जेठरहिया-७ का सरगुन सहनी मलाहको प्रतिलिपि नागरिकता दिँदा लिङ्गमा महिला बनाइएको छ। नागरिकता नम्बर ४०५४०६९३ रहेका सहनीको २०३८ कात्तिक १० मा जारी भएको नागरिकतामा लिङ्ग पुरुष छ। तत्कालीन समयमा प्रशासन अधिकृत रहेका मोतीकृष्ण खरेलले हस्ताक्षर गरेका छन्।
२०३८ मा पुरुष रहेका सहनीले गत असोज २२ मा लिएको नागरिकता प्रतिलिपिमा लिङ्गमा महिला लेखिएको छ। नाम परिवर्तन गरी सरजुग सहनी बनाइएको छ। सहनीलाई प्रतिलिपि नागरिकता उपलब्ध गराउने प्रशासकीय अधिकृत हरिशरण न्यौपाने थिए।
नागरिकता उपलब्ध गराउने क्रममा प्रशासनले अर्को गल्ति पनि गरेको भेटिएको छ। २०३८ मा उपलब्ध गराएको नागरिकतामा उमेर २० वर्ष लेखिएको छ। तर, २०७५ असोजमा बनाइएको नागरिकतामा उमेर ३१ वर्ष कायम गरिएको छ। अघिल्लो पटक जारी गरेको नागरिकताको अभिलेख अनुसार प्रतिलिपिमा उमेर मिल्दैन। गत असोजमा ५७ वर्ष पुगेका सहनीलाई ३१ वर्ष लेखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
