काठमाडौं- अवकाश भएको ६ वर्षपछि मात्रै अवकाशको पत्र थमाइएका प्रहरी उपरीक्षक (एसपी) दीपकराज खरेल पुर्नबाहलीको माग गर्दै सर्वोच्च अदालत पुगे। खरेलको मुद्दा सर्वोच्चका न्यायाधीश डम्बरबहादुर शाहीको इजलासमा दोस्रो नम्बरमा पेस भयो। उक्त मुद्दाको सुनुवाइ गर्दै सर्वोच्चले सरकारलाई छलफलमा बोलाउने र लिखत जवाफ माग गर्ने आदेश गरेको छ।
प्रधानमन्त्री कार्यालय, गृह मन्त्रालय र प्रहरी प्रधान कार्यालयलाई एक सातापछि छलफलमा आउन सर्वोच्चले आदेश दिएको छ।
अवकाशमा जानुपर्ने समय गुज्रेको ६ वर्षसम्म जागिर खाइरहेको भन्नेबारे नेपाल लाइभले समाचार सम्प्रेषण गरेपछि उनलाई सेवाबाट हटाइएको थियो। प्रहरी किताबखानाको विवरणअनुसार एसपी खरेलले २०६९ चैत १२ गते ३० वर्षे सेवा पूरा गरेका थिए। सोही मितिबाट अनिवार्य अवकाशमा जानुपर्ने प्रहरी किताबखानाले गत शुक्रबार उनलाई अवकाशको पत्र थमाएको थियो। किताबखानाको पत्र आएपछि उनी अवकाशमा गएका थिए।
खरेलले गृह मन्त्रालयलाई समेत प्रभावमा पारेर सेवामा रहिरहन सक्ने बेहोराका पत्र लिँदै आएका थिए। तर गत शुक्रबार किताबखानाको पत्र आएपछि उनको जागिर खोसिएको थियो। अवकाश पत्र पाएको दुई दिनपछि सोमबार खरेल पुनर्बाहलीको माग गर्दै सर्वोच्च पुगेका थिए।
प्रहरी किताबखानामा २०५५ मंसिर १८ बाट नयाँ नियुक्तिको रेकर्ड भएको तर पूरानो नियुक्तिअनुसार सेवा जोडेर अन्यायपूर्वक हटाएको भन्दै खरेलले रिट दायर गरेका थिए।
प्रहरी नियमावली २०४९ को दफा ११० र प्रहरी नियमावली २०६४ को १४० मा समेत उपदान पाएको व्यक्तिले उपदान रकम फिर्ता नगरेको खण्डमा पछिल्लो मितिबाट सेवा अवधि गणना हुने व्यवस्था भएको भन्दै अवकाशको पत्र बदर गरी पाउँ भनी खरेलले रिट दायर गरेका छन्।
यस सम्बन्धमा नेपाल लाइभले प्रकाशन गरेका विशेष समाचार:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751879619.webp)
-1749826086.png)
