काठमाडौं– अवकाश भएको ६ वर्षपछि दीपकराज खरेलले एसपीको फुली लगाएको बारे नेपाल लाइभले समाचार सम्प्रेषण गरेपछि सरकारले छानबिन सुरु गरेको छ।
_x000D_
_x000D_
अनिवार्य अवकाश भएको ६ वर्ष बित्दासमेत अवकाशमा नगई एसपीको फुली लगाएर सेवारत भएको बारे छानबिन गर्न हेलो सरकारले राष्ट्रिय सर्तकता केन्द्र र गृह मन्त्रालयलाई निर्देशन दिएको हो। उक्त निर्देशन अनुसार सर्तकता केन्द्रमा ११–२०१८–१एमआइबिएफएल नम्बरको निवेदन दर्ता भएको छ।
_x000D_
_x000D_
गृह मन्त्रालयमा २०१८–११–२१ दर्ता नम्बरको निवेदन दर्ता भएर अनुसन्धान सुरु भएको हेलो सरकारले नेपाल लाइभलाई जानकारी दिएको छ। खरेलमाथि सेवा अवधिभन्दा बढी जागिर खाएको बारे जतिसक्दो चाँडो छानबिन गरेर कारबाही गरिने हेलो सरकारले जनाएको छ।
_x000D_
_x000D_
यसरी चुकेका थिए खरेल
_x000D_
कुटिल चाल चालेर जागिर लम्ब्याउन खोजेका एसपी खरेल थोरै बुद्धि नपुग्दा चुकेका थिए। २०३९ सालमा प्रहरी सेवामा प्रवेश गरेका खरेल गयल भएका कारण २०५४ बैसाख २ गते सेवाबाट हटाइए। त्यसेबला उनले प्रहरी सेवामा १३ वर्ष बिताइसकेका थिए। १३ वर्ष सेवा गरेबापत प्रहरी नियमावली अनुसार आफूले पाउनुपर्ने उपदान बापतको रकमसमेत उनले २०५४ साउन २२ गते बुझेका थिए।
_x000D_
_x000D_
अच्युतकृष्ण खरेल पुनः आइजिपी हुँदा दीपकराजको उमेर ३३ वर्षको थियो। खुल्ला प्रतिस्पर्धाबाट प्रहरी निरीक्षकमा भर्ना हुन उनलाई उमेरले छेक्थ्यो।
_x000D_
_x000D_
१५ महिनाअघि सेवाबाट हटाइएका दीपकराजलाई तत्कालीन आइजिपी अच्युतकृष्णले प्रहरी निरीक्षक बनाउन कुटिल चाल चाल्दै २०५५ साउन १ गते पुरानो निर्णय बदर गर्दै पुनः प्रहरी सेवामा प्रवेश गराएका थिए। १५ महिनासम्म घर बसेका उनलाई पुनर्वाहली गराउँदै १५ महिनासम्मको पाउनुपर्ने सेवा सुविधा समेत आइजिपी अच्युतकृष्ण खरेलले दिलाएका थिए।
_x000D_
_x000D_
जबकि उनी उपदानसमेत लिएर बिदा भइसकेका थिए। उनले लिएको उपदान अहिलेसम्म फिर्ता गरेका छैनन्। उपदान पनि फिर्ता नगर्ने र १५ महिनासम्मको गयल भएको बेलाको समेत तलब सुविधा बुझेकाले उनको जागिरमा पुन: भर्ना नभई पुनर्बहाली भएको थियो।
_x000D_
_x000D_
यहीबाट नै उनी चुकेको देखिन्छ। प्रहरी नियमावली २०७१ अनुसार एसपी खरेलले त्यसबेला आफू गयल भएको १५ महिनाको तलबभत्ता नबुझी पुन: भर्ना भएका भए उनले जागिर अवधि लम्बिन्थ्यो र प्रहरी नियमावली अनुसार नै उनी अहिले सेवारत हुन्थे। निकै 'मास्टर माइन्ड' लगाएर जागिर लम्ब्याउन खोजेका पूर्व आइजिपी खरेल र एसपी खरेल यहीँनेर चुकेको देखिन्छ।
_x000D_
त्यसैगरी पुनर्बहाली भएर प्रहरी निरीक्षकमा विभागीय भएर आवेदन दिने बेला उनले २०३९ सालदेखि प्रहरी सेवामा रहेको कागजात पेश गरेका थिए। यसबाट पनि उनीहरु कानुनी रुपमा तल परेका छन्। यही तथ्यलाई आधार मान्दै प्रहरी किताबखानाले उनी ६ वर्षअघि २०६९ साल चैत १२ गते ३० वर्षे सेवा अवधिका कारण अनिवार्य अवकाश हुनुपर्ने भन्दै गृहको राय माग गरेको हो।
_x000D_
_x000D_
पुनर्बहाली भएपछि किन गरिएन उपदान फिर्ता?
_x000D_
अच्युतकृष्ण खरेल पुन: आइजिपी भएपछि एसपी खरेल त्यसबेला प्रहरी हवल्दारमा पुनर्बहाली भएका थिए। जबकि उनले यसभन्दा अघि आफूले पाउनुपर्ने उपदान समेत बुझिसकेका थिए। तर सेवामा पुनर्बहाली भएपछि फिर्ता गर्नुपर्ने उपदान उनले अझै फिर्ता गरेका छैनन्। उपदान लिएपछि सेवामा रहिरहन नपाउने कानुनी प्रावधान छ। तर उनी उपदान पनि लिने र सेवामा रहिरहने गरेका छन्। यसरी उनले प्रहरी नियमावली विपरीत प्रहरीबाट दोहोरो सुविधा लिएको देखिन्छ।
_x000D_
_x000D_
यस्तो थियो नेपाल लाइभको EXCLUSIVE :
_x000D_
अवकाशको ६ वर्षपछि खरेललाई एसपीको फुली, पूर्व आइजिपीको कुटिल चाल, गुमराहमा सरकार
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
