सरकारले आवश्यक सामग्री नदिएको सुस्तश्रवण संघको गुनासो, अपांगताको परिभाषा सच्याउन माग

ब्लग

नेपाल लाइभ मंगलबार, पुस ११, २०७४ ०७:४०

काठमाडौं- नेपाल सुस्तश्रवण संघले अपांगता वर्गीकरणको परिभाषालाई सरकारले अव्यवहारिक रुपमा परिभाषित गरेकोमा विरोध जनाएको छ।

संघले अपांगता भएका व्यक्तिको अधिकारसम्बन्धी कानुनलाई श्रवणयन्त्र राख्नुपर्ने वा ६५ देखि ८० डेसिबलसम्मको ध्वनि सुन्न सक्ने व्यक्तिलाई मात्रै सम्बोधन गरेको भन्दै उक्त व्यवस्था परिमार्जन गर्न सरकारसमक्ष मागसमेत गरेका छन्।

सोमबार आयोजित पत्रकार सम्मेलनमा संघका अध्यक्ष मचाभाइ महर्जनले सुस्तश्रवणका बारेमा सरकारले अझ फराकिलो र अन्तरराष्ट्रिय मापदण्डबमोजिम परिभाषा बनाउनुपर्ने माग गर्दै अपांगता परिचयपत्र सुस्तश्रवण भएकालाई सहजरुपमा उपलब्ध नभएकोमा गुनासो व्यक्त गरे।

सरकारलाई तत्काल सहजरुपमा परिचयपत्र उपलब्ध हुने वातावरण मिलाइदिन आग्रह गर्दै उनले भने, 'अपांगता रोकथाम तथा पुनःस्थापना १० वर्षे रणनीति कार्ययोजना, २०७३–२०८२ बाट सुस्तश्रवण मानिस लाभान्वित हुन सकेका छैनन्, त्यो प्रत्याभूतिको अपेक्षा हामीले गरेका छौँ।'

अपांगतासम्बन्धी ऐन, २०७४ ले एक कान ९५ डेसिबल र अर्को कान ४० डेसिबल सुन्ने मानिसलाई अपांगता प्रमाणपत्र प्रदान गर्न रोकेको प्रति पनि संघले आपत्ति जनाएको छ।

सो अवसरमा सुस्तश्रवण भएका मानिसका लागि सरकारले उपलब्ध गराउने कुनै पनि सामग्री सुलभ तरिकाले नपाउने र पाए पनि धेरै झन्झट व्यहोर्नुपर्ने अधिकांश सुस्तश्रवणले गुनासो गरे।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान