काठमाडौं- नेपालमा लोडसेडिङ अन्त भएको लामो समय भइसकेको छैन। अझैपनि विद्युतको माग पूरा गर्न ठूलो परिमाणमा विद्युत भारतबाट आयात भइरहेको अवस्था छ।
नेपाल विद्युत प्राधिकरणले ऊर्जा खपत कम गर्न बेला बेलामा सार्वजनिक सूचनासमेत जारी गर्दै आएको छ।
तर सिंहदरबारभित्रका सडकबत्ती मंगलबार दिनभर खुल्लै देखिए।
सिंहदरबार दक्षिण गेट प्रवेश गर्ने बित्तिकै दिउँसै बलिरहेका सडक बत्ती देख्न सकिन्थ्यो। तर बन्द गर्न चाँसो कुनै पनि निकायलाई थिएन। बत्ती दिनभर बलिरहे।
लोडसेडिङ अन्त गर्नका लागि नेपाल विद्युत प्राधिकरणका प्रमुख कार्यकारी निर्देशक कुलमान घिसिङलाई जस दिने गरिन्छ।
तर यसमा सिंह दरबारकै असहयोग रहेको फेरि एकपटक पुष्टि भएको छ।
यति बेला एउटा प्रश्न खडा भएको छ- हरेक सडक (अझ सिंहदरबारभित्रै) का बत्ती पनि कुलमानले नै बन्द गर्नुपर्ने हो?
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।