भ्रष्टाचारको आरोप लागेका सुडानका पूर्वराष्ट्रपति बसिरको सुनुवाइ आगामी साता

विश्व

नेपाल लाइभ आइतबार, असार १, २०७६ ०६:३६

खार्तुम- सुडानका पूर्वराष्ट्रपति ओमार अल बसिर भ्रष्टाचार आरोपबारे सुनुवाइका लागि आगामी साता अदालतमा उपस्थित हुने शनिबार यहाँका अधिकारीले जानकारी गराएका छन्।

सुडानी कार्यबाहक महाअभियोजक अल वालिद सैयदले भने, 'सुडानमा भ्रष्टाचार र अवैधरूपमा विदेशी मुद्रा आर्जन गरेको आरोप अदालतमा परेकोले यसबारे सुनुवाइका लागि उनलाई अदालतमा उपस्थित हुन निर्देशन दिइएको छ।'

तर, उनलाई कुन दिन उपस्थित गराउने भन्नेबारे सुडानी अधिकारीले थप विवरण भने दिएका छैनन्।

लामो समयसम्म देशमा भ्रष्टाचार विरोधी आन्दोलन र महङ्गीको विरोधमा सुडानी जनताले गरेको प्रदर्शनपछि गत अप्रिलमा सुडानी सैनिक जनरल अब्देल फताह अल बुर्हानले ३० वर्ष सुडानमा नेतृत्वमा रहेका बसिरलाई सेनाको सहयोगमा पदच्युत गरेका थिए।

सैनिक शासक बुर्हानका अनुसार बसिरलाई पदच्युत गरेपछि उनको घरबाट ११ करोड ३० लाख अमेरिकी डलर बराबर विभिन्न ३ विदेशी मुद्रा जफत गरिएको थियो।

प्रहरी, सेना र सुरक्षा अधिकारीले उनीसँगबाट ७० लाख युरो, ३ लाख ५० हजार अमेरिकी डलर र १० करोड ५० लाख अमेरिकी डलर बराबर सुडानी पाउन्ड जफत गरेका बुर्हानले बताए। रासस/सिन्हवा

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

देउवाले भने: अहिलेको प्रणालीकै कारण मिलेर सरकार बनाउनुपर्ने र चुनाव लड्नुपर्ने बाध्यता छ

इन्धनमा बायोइथानोलको प्रयोग बढाउँदै इन्डोनेसिया, सरकारको रणनीतिक योजना सार्वजनिक

धुलिखेलमा करेन्ट लागेर मजदुरको मृत्यु