एजेन्सी– भारतीय कांग्रेसको गठबन्धन सरकार युपिए–२ मा भएको देशकै सबैभन्दा ठूलो २ जी–स्पेक्ट्रम भ्रष्टाचार काण्डको अन्तिम निर्णय आज सार्वजनिक हुँदैछ।
तत्कालीन सञ्चारमन्त्री ए राजा र गठबन्धनको ठूलो घटक डिएमके राज्यसभा सांसद कनिमोईसहित हाई–प्रोफाइल व्यक्ति जोडिएको यो भ्रष्टाचार काण्डको सिबिआईको विशेष अदालतले आज निर्णय सुनाउन लागेको हो।
टेलिफोन फ्रिक्वेन्सी बाँड्दा भएको भ्रष्टाचार सम्बन्धी यो मुद्दा सन् २०११ देखि विचाराधीन थियो। सिबिआईले यो मुद्दामा पहिले पूर्व केन्द्रीय मन्त्री ए राजा, डिएमके राज्यसभा सांसद कनिमोई, पूर्व टेलिकम सचिव सिद्धार्थ बेहुरा, ए राजाका तत्कालीन निजी सचिव आरके चन्दौलिया, स्वान टेलिकमका प्रमोटर शाहिद एस्मान बलवा, विनोद गोयनका, युनिटेक कम्पनीका एमडी संजय चन्द्रा, कुशेगाउँ फ्रुट्स एन्ड वेजिटेबल प्राइभेट लिमिटेडका आसिफ बलवा र राजीव अग्रवाललाई आरोपी बनाएको छ।
यस्तै, कलाइगनार टिभीका निर्देशक शरदकुमार, सिनेयुग फिल्मसका करिम मोरानी, रिलायन्स अनिल धीरुभाई अम्बानी समूहका वरिष्ठ अधिकारी गौतम जोशी, सुरेन्द्र पिपारा, हरि नैयरसहित तीन वटा कम्पनी स्वान टेलिकम लिमिटेड, रिलायन्स टेलिकम लिमिटेड र युनिटेक वायरलेस (तमिलनाडु) लाई आरोपी छन्।
सिबिआईले पद, पैसा, फर्जी कागजपत्र तयार पारेर २ जी– स्पेक्ट्रमसँग जोडिएको १ सय २२ वटा लाइसेन्स गलत ढंगले वितरण गरिएको बताएको छ। उसले यसबाट मात्र सरकारलाई ३० हजार ९ सय ८४ करोड भारतीय रुपैयाँ नोक्सान भएको बताएको छ।
भारतको सर्वोच्च अदालतले फेब्रुअरी २०१२ मा सबै लाइसेन्स रद्द गर्न आदेश दिएको थियो। अदालतले सिबिआईको तर्फबाट १ सय ५४ जनाको बयान दर्ता गरेको थियो, जसमा अनिल अम्बानी, उनकी श्रीमति टिना र निरा राडिया पनि समावेश थिए। भ्रष्टाचार सम्बन्धी यो मुद्दाको कागज मात्र ४ हजार ४ सय पृष्ठ लामो छ। यो मुद्दामा भ्रष्टाचार प्रमाणित व्यक्तिले ६ महिनादेखि आजीवन जेल सजाय पाउन सक्ने प्रावधान छ।
सिबिआईले तयार पारेको अर्को मुद्दामा एस्सार समूहका मालिक रवि रुइया र अंशुमान रुइया, लुप टेलिकमका प्रमोटर किरण खेतान र उनको श्रीमती आइपी खेतान र एस्सार समूहका निर्देशक विकाश श्राफ पनि समावेश छन्।
तेस्रो मुद्दामा प्रवर्तन निर्देशनालय (इडी) ले अप्रिल २०१४ मा ए राजा, कनिमोई, शाहिद बलवा, आसिफ बलवा, राजीव अग्रवाल, विनोद गोयनका, करिम मोरानी र शरद कुमारसहित १९ जनाविरुद्ध थप मुद्दा दर्ता गराएको थियो। इडीले डिएमके पार्टी प्रमुख करुणानिधिको श्रीमती दयालु अम्मलको नाम पनि समावेश गरेको छ। उनीविरुद्ध २ सय करोड रुपैयाँको मुद्दा दर्ता छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
