काठमाडौं- नेकपा एमालेका नेता माधवकुमार नेपालले चुनाव हुनुअगाडि वाम गठबन्धनले जनतासामु गरेको सम्पूर्ण प्रतिबद्धता पूरा हुने बताएका छन्।
एमाले कागेश्वर मनहरा नगरपालिका–७ ले आज आयोजना गरेको चियापान कार्यक्रममा पूर्वप्रधानमन्त्री नेपालले निर्वाचनमा उक्त गठबन्धनले सरकारको स्थायित्वका लागि गरेको प्रतिबद्धता र समृद्ध नेपाल बनाउन राखेको दृष्टिकोण पूरा गर्ने बताए। जनताले स्पष्ट बहुमत दिएकाले ती कार्य पूरा गर्नुपर्नेमा उनले जोड दिएका छन्।
वाम गठबन्धनको अब अग्निपरीक्षा सुरु भएको भन्दै उनले वामपन्थी नेतृत्वको सरकारले बोलेका कुरा पूरा गरेरै छाड्ने दोहोर्याए।
काठमाडौँ निर्वाचन क्षेत्र नं २ बाट नवनिर्वाचित प्रतिनिधिसभा सदस्यसमेत रहेका नेपालले मुलुकको समृद्धिका लागि राजनीतिक स्थिरताको खाँचो औँल्याए। अब देशमा दण्डहीनताको अन्त्य हुने र विधिको शासन कायम गरी रोजगार सिर्जना गर्ने विषयलाई प्राथमिकता दिइने उनको भनाइ छ।
वाम गठबन्धनको सरकार गठन भएपछि देशमा संक्रमणकालीन समयको अन्त्य हुने र स्थानीय पूर्वाधार तथा विकास निर्माणले तीव्रता पाउनेमा नेता नेपालले विश्वास दिलाए।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749826086.png)
