ढाका, बंगलादेश- बंगलादेश तथा म्यानमारका अधिकारीहरूबीच म्यानमारबाट ढाका लगायतका विभिन्न स्थान पुगेका रोहिंग्या शरणार्थीहरूलाई स्वदेश फिर्ता गराउने प्रक्रिया आगामी जनवरीदेखि सुरु गर्नेमा सहमति जुटेको छ।
मानवअधिकारवादी समूहले शरणार्थीलाई सुरक्षाका दृष्टिकोणले स्वदेश फर्काउने वातावरण बनिनसकेको बताइरहेका बेला दुई देशका विदेश सचिवस्तरीय बैठकले शरणार्थी फर्काउने विषयमा नोभेम्बर २३ मा भएको सहमतिलाई अन्तिम रूप दिन पहल भएको हो।
ढाकामा शरण लिन पुगेका करिब ६ लाख ५५ हजार शरणार्थीमध्ये रोहिंग्याको तीन चौथाइ जनसंख्यालाई जनवरीबाट फिर्ता गर्ने र अरुलाई विभिन्न तहमा फिर्ता गर्ने सहमति भएको जनाइएको छ।
नयाँ कार्यदलले दुई महिनाभित्र शरणार्थी फिर्ता गर्ने अभियान सुरु गर्ने र शरणार्थीको प्रमाणीकरण प्रक्रियालाई समय तालिका बनाएर काम गर्ने बंगलादेशको विदेश मन्त्रालयबाट जारी विज्ञप्तिमा जनाइएको छ।
'अब हामी कामको नयाँ चरणको थालनी गर्नेछौँ,' बङ्गलादेशका विदेशमन्त्री ए एच महमुद अलीले बैठकपछि सञ्चारकर्मीसँगको कुराकानीमा भने।
मानवअधिकारवादी समूहले सहमति सार्वजनिक रूपमा राम्रो देखाउन गरिएको प्रचारबाजी मात्रै भएको बताएका छन्। उनीहरूले सहमति अनुसार रोहिंग्या समुदायलाई राखिन राज्यमा सुरक्षाको प्रत्याभूत हुनेमा आफूहरू विश्वस्त नभएको जनाएका छन्।
गत हप्ता समूहको द्वन्द्वग्रस्त क्षेत्रमा तैनाथ चिकित्सकहरूको सर्वेक्षणमा राखिनमा हिंसा फैलिएको पहिलो महिनामा नै करिब ७ हजार रोहिंग्याको मृत्यु भएको सार्वजनिक भएको थियो।
म्यानमारको सेनाले हिंसाका क्रममा केही सय रोहिंग्या आन्दोलनकारीको मृत्यु भएको तर सर्वसाधारणमाथि आफ्नो तर्फबाट कुनै आक्रमण नभएका बताएको थियो।
म्यानमारकी प्रजातन्त्रवादी नेतृ आङसाङ सुकीले गत सेप्टेम्बरको सुरुदेखि नै सशक्त सुरक्षा कारबाहीलाई रोकिएको बताएकी थिइन्।रासस/एएफ्पी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
