बिबिसी- अमेरिकाको लागि सुरक्षा नीति बनाइरहेका राष्ट्रपति डोनाल्ड ट्रम्पले आफ्नो देशको आर्थिक प्रभुत्वका लागि रूस र चीन प्राथमिक खतरा भएको बताएका छन्।
'अमेरिका फर्स्ट' सिद्धान्तमा आधारित आफ्नो भाषणमा ट्रम्पले यसअघिको सरकारको विदेश नीतिका असफलताहरु समेत केलाए।
ट्रम्पले पाकिस्तानको आलोचना गर्दै उसले इस्लामिक आतंकवादी रोक्न पर्याप्त कोसिस नगरेको टिप्पणी गरेका छन्। साथै, उनले परमाणु कार्यक्रमका लागि उत्तर कोरियाको पनि कडा शब्दमा निन्दा गरे।
वासिंटनको रोनाल्ड रिगन भवनमा बोल्दै राष्ट्रपति ट्रम्पले भने, 'यो चुनौतीको नयाँ चक्र हो।'
उनले दुनियाँका शक्तिशाली देशहरुप्रति अमेरिकाका पछिल्ला सरकारको रवैयामाथि पनि असन्तुष्टि प्रकट गरे।
ट्रम्पका अनुसार, रूस र चीन 'चुनौती दिने शक्ति' हुन्। तर, अमेरिकाले उनीहरुसँग राम्रो साझेदारी र समन्वय बनाउने प्रयास गर्नु जरुरी छ।
साझेदारीको प्रयास
साझेदारीको भावनाको उदाहरण दिँदै राष्ट्रपति ट्रम्पले रूसका राष्ट्रपति भ्लादिमिर पुटिनले आफूलाई फोन गरेर धन्यवाद दिएको एउटा उदाहरण प्रस्तुत गरे।
ट्रम्पका अनुसार, सिआइएले क्रेमलिनमा आतंकवादी आक्रमण हुन सक्नेबारे सूचना दिएकोमा पुटिनले धन्यवाद दिएका थिए।
ट्रम्पको सो भाषणअघि नै छापिएको नयाँ सुरक्षा नीतिमा रूस र चीनको बारेमा कठोर भाषाको प्रयोग गरिएको छ। त्यहाँ ती दुवै देशलाई 'सुधारवादी शक्तिहरु' भनिएको छ।
ट्रम्पका नयाँ योजनाका 'चार स्तम्भ'
११ महिनामा तयार भएको ६८ पृष्ठको नयाँ सुरक्षा रणनीतिमा 'चार स्तम्भ' रहेको बताइएको छ। यी चार स्तम्भमा देशको रक्षा, अमेरिकी समृद्धिको प्रवर्द्धन गर्नु, शक्ति प्रयोग गरेर शान्ति कायम गर्नु र अमेरिकी प्रभाव बढाउनु रहेका छन्।
जानकारहरुका अनुसार, 'चार स्तम्भ' अन्तर्गत मानव अधिकार र जलवायु परिवर्तन जस्ता गम्भीर विषयलाई कतै उल्लेख गरिएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749811536.jpg)
-1749809508.png)
-1749801778.jpg)
-1749797959.png)
