काठमाडौं- प्रमुख प्रतिपक्षी दल नेपाली कांग्रेसले शान्तिपूर्ण प्रदर्शनमा प्रहरी दमन भएको भन्दै सरकारको जवाफ माग गरेपछि राष्ट्रियसभाको सोमबारको पहिलो बैठक अवरुद्ध भएको छ।
राष्ट्रियसभाको सोमबारको बैठकमा कांग्रेसका राष्ट्रियसभा सदस्य बद्री पाण्डेले गुठीयार र सरोकारवालाले गरेको शान्तिपूर्ण प्रदर्शनमा प्रहरीले धरपकड गरि घाइते बनाउने र नियन्त्रणमा लिने काम गरेको भन्दै प्रहरी दमको भर्त्सना गरे।
शान्तिपूर्णरुपमा विरोध प्रदर्शन गर्न पाउने संविधानप्रदत्त अधिकारविरुद्ध सरकार दमनको शैलीमा अघि बढेको भन्दै उनले त्यसबारे सरकारको जवाफ माग गरे। घटनाबारे गृहमन्त्रीको जवाफ माग गर्दै कांग्रेसले अवरोध गरेपछि राष्ट्रियसभाको सोमबारको पहिलो बैठक अवरुद्ध भएको थियो।
सोमबार नै बसेको दोश्रो बैठकमा राष्ट्रियसभाका अध्यक्ष गणेशप्रसाद तिमिल्सिनाले आजकै बैठकमा घटनाबारे गृहमन्त्रीलाई जवाफ दिन लगाउने आश्वासन दिएपछि बैठक कार्यसूचीमा प्रवेश गरेकोे छ। अहिले आर्थिक वर्ष २०७६/७७ को बजेटमाथिको छलफलमा सहभागी हुँदै राट्रियसभा सदस्यहरुले आ आफ्नो धारणा राखिरहेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।