कैलाली– सुदूरपश्चिम-११ स्पोर्टस क्लबका दुवै टोली ग्यालेक्सी पव्लिक स्कुल फारवेस्ट पशुपति कप फुटबल प्रतियोगिताको क्वार्टरफाइनलमा पुगेका छन् ।
शनिबार भएको खेलमा सुदूरपश्चिम ११ को ए टिमले नेपाल प्रहरी प्रदेश नम्बर ७ र बी टिमले पशुपति स्कीमिमर्सलाई पराजित गरेका अन्तिम आठमा स्थान पक्का गरेका हुन्।
धनगढी रंगशालामा भएको पहिलो खेलमा सुदुरपश्चिम ११ ए ले नेपाल प्रहरी प्रदेश नम्बर ७ लाई ४–० गोलले हरायो। चारै गोल गर्दै सुदुरपश्चिम ११ ले दोस्रो हाफमा गरेको थियो। जितमा विनोद केसीले दुई गोल गरे भने जीवन चौधरी र रामसिंह रानाले १-१ गोल गरे ।
दोस्रो खेलमा पनि सुदूरपश्चिम ११ बी ले पशुपति स्कीमिमर्सलाई ५–० गोलको फराकिलो अन्तरले पराजित गर्यो। बी टिमको जितमा राजीवले ह्याट्रिक गर्दा हिक्मत खत्री र रुपेश चौधरीले १–१ गोल गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749384056.png)
