दुबईमा इद मनाएर ओमान फर्किंदै गरेको पर्यटक सवार बस दुर्घटना, १७ जनाको मृत्यु

नेपाल लाइभ | २०७६ जेठ २४ शुक्रबार | Friday, June 07, 2019 १०:०८:०० मा प्रकाशित

दुबई- संयुक्त अरब इमिरेट्स (युएई) को दुबईमा एक बस दुर्घटनामा १७ जनाको मृत्यु भएको छ। दुर्घटनामा अन्य ५ जना घाइते भएका छन्।

बिहीबार साँझ इदको बिदा मनाएर ओमान फर्किँदै गरेको ३१ जना पर्यटक सवार बस दुर्घटनामा परेको हो। मृतक तथा घाइते सबैलाई स्थानीय राशिद अस्पतालमा राखिएको छ।

दुबई प्रहरीका प्रमुख मेजर जनरल अब्दुल्लाह खलिफा अल-मर्री ने दुर्घटनालाई दुर्भाग्यपूर्ण भनेका छन्। उनका अनुसार घटनामा घाइते हुने एक दुबईका स्थानीय समेत छन्।

दुर्घटनामा कुन देशका कति नागरिकको मृत्यु भएको भन्ने खुलेको छैन।